Ճապոնիան լիովին դադարեցնում Է նավթի ներմուծումն Իրանից

 Ճապոնիայի նավթընկերությունները պատրաստվում են Իրանից նավթի ներմուծման լիակատար դադարեցմանը: Հուլիսի 19-ին այս մասին հաղորդել Է Ճապոնիայի Nikkei գործարար թերթը:

Հրատարակության տվյալներով՝ Իրանից նավթի մատակարարումները պետք Է լիովին դադարեցվեն հոկտեմբերին, իսկ որպես հումքի ներմուծման այլընտրական աղբյուրներ դիտվում են Սաուդյան Արաբիան եւ Արաբական Միացյալ Էմիրությունները:

Ինչպես նշել Է թերթը, իրանական նավթի՝ Ճապոնիայի այնպիսի մատակարարներ, ինչպիսիք են JXTG Holdings-ը եւ Idemitsu Kosan-ը, ԱՄՆ-ից նախազգուշացում են ստացել ներմուծման լիակատար դադարեցման անհրաժեշտության մասին մինչեւ 2018 թվականի նոյեմբերի սկիզբը, երբ Վաշինգտոնը պլանավորում Է վերսկսել Թեհրանի նկատմամբ պատժամիջոցների գործողությունը: Իրանական նավթի գնումները շարունկվելու դեպքում ԱՄՆ-ն այդ ընկերություններին սպառնում Է խոշոր տուգանքներով: Այս ֆոնին Ճապոնիայի բանկերը նույնպես ազգային նավթընկերություններին ծանուցել են, որ դադարեցնում են իրանական նավթի հետ կապված գործարքավարությունները, ինչը գործնականում անհնար Է դարձնում դրա գնումը, հաղորդել Է ՏԱՍՍ-ը:

Այս թեմայով Իրանն ու Օմանը քննարկում են Օրմուզի նեղուցը ճգնաժամից դուրս բերելու ուղիները NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում