Ադրբեջանի նախկին արտգործնախարարը մեղադրում է Իրանին

Ադրբեջանի նախկին արտգործնախարար Թոֆիգ Զուլֆուղարովը մեկնաբանել է Գյանջա (Գանձակ) քաղաքում երեկ տեղի ունեցած ողբերգական իրադարձությունները, հայտնում է minval.az-ը:

«Տպավորություն է ստեղծվում, որ մեզ կամ ցանկանում են ինչ-որ բան ցույց տալ, կամ Իրանի ղեկավարությունում ծայրահեղական շրջանակները փորձում են ապակայունացնել իրավիճակն Ադրբեջանում, այն երկարաժամկետ հիմքով ապակայունացնել և հանգեցնել մեր երկրում շիաների և սուննիների բախման»,- ասել է Զուլֆուղարովը:

Նա վստահություն է հայտնել, որ հետաքննությունը ցույց կտա այդ հարձակման իրական պատվիրատուներին և կատարողներին:

«Հեյդար Ալիևի իշխանության գալուց ի վեր Ադրբեջանի և Իրանի միջև գործել է որոշակի modus operandi, որը կարելի է հետևյալ կերպ արտահայտել. մենք (Ադրբեջանը) չենք միջամտում ձեր ներքին գործերին, իսկ դուք (Իրանը) չեք արտահանում ձեր իսլամական հեղափոխության գաղափարախոսությունը մեր տարածք:

Վատ թե լավ, բայց այդ կանոնները գործել են երկար տարիներ, և ահա այսօր մենք տեսնում ենք, որ իրանական ղեկավարությունում ինչ-որ ուժեր փորձում են խախտել այդ կանոնը, իսկ Գյանջայի իրադարձություններն ապացույցն են այդ ենթադրության»,- ասել է Զուլֆուղարովը:

Ավելի վաղ հաղորդվել է, որ ադրբեջանական Գյանջա (Գանձակ) քաղաքում բողոքի ցույցերը ցրելու ընթացքում ոստիկանության երկու աշխատակից է սպանվել: Երկրի ոստիկանության հաղորդմամբ՝ ընդհանուր առմամբ, հանրահավաքին մասնակցել է «կրոնական խմբավորումից» 150-200 մարդ:

Երբ ոստիկանները փորձել են կանխել ակցիայի անցկացումը, ցուցարարները հարձակվել են նրանց վրա «կտրող-ծակող առարկաներով»:

Տեղի ԶԼՄ-ների տվյալներով՝ ցուցարարները հանդես էին գալիս հաջակցություն Գյանջայի գործադիր իշխանության ղեկավար Էլմար Վելիևի դեմ մահափորձի համար ձերբակալված Յունիս Սաֆարովի: