Իրանցի կնոջը 20 տարվա ազատազրկման են դատապարտել հանրային վայրում գլխաշորը հանելու համար

Իրանցի կինը դատապարտվել է 20 տարվա ազատազրկման՝ հանրային վայրում պարտադիր համարվող գլխաշորը հանելու համար:

Ինչպես հայտնում է Daily Mail-ը, 42-ամյա Շափարք Շաջարիզադեն ձերբակալվել էր այս տարվա փետրվարին՝ Թեհրանի փողոցներից մեկում գլխաշորը հանելու ու այն ցուցադրաբար փայտյա ձողին որպես դրոշ ամրացնելու պատճառով: Այդպիսով՝ կինն իր բողոքն էր հայտնել պարտադիր գլխաշոր կրելու օրենքի դեմ:

Հայտնի է, որ Շափարք Շաջարիզադեն գրավի դիմաց ազատ էր արձակվել ապրիլին, երբ գործին միջամտել էր Amnesty International իրավապաշտպան կազմակերպությունը՝ հայտարարելով, որ կնոջը կեղծ մեղադրանքներ են առաջադրվել կոռուպցիայի ու մարմնավաճառությամբ զբաղվելու համար:

Աղբյուրը մանրամասնում է, որ կինը 20 տարվա ազատազրկման մասին հայտնել է իր անձնական կայքում:

Հիշեցնենք, որ ընթացիկ տարվա փետրվարին Իրանի իշխանությունները գլխաշորը հանրային վայրերում հանելու համար ձերբակալել են 29 կնոջ:

Այս թեմայով Իրանն ու Օմանը քննարկում են Օրմուզի նեղուցը ճգնաժամից դուրս բերելու ուղիները NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում