ԵԽԽՎ պատգամավորները քննադատել են Ադրբեջանում մարդու իրավունքների շարունակական խախտումները

 ԵԽԽՎ ավելի քան 20 պատգամավորներ ամառային նստաշրջանի շրջանակներում հանդես եկել հայտարարությամբ և քննադատել Ադրբեջանում իշխանությունների կողմից մարդու իրավունքների շարունակական խախտումներն ու Եվրոպայի խորհրդում ստանձնած պարտականությունները չկատարելու պրակտիկան:

Ինչպես հաղորդում է «Արմենպրես»-ը, այս մասին հայտնում է ադրբեջանական «Թուրան» լրատվական գործակալությունը: Հայտարարության մեջ Ադրբեջանն անվանվել է Եվրոպայի խորհրդի ամենառեպրեսիվ երկրներից մեկը, որտեղ ընտրություններն իրականացվում են վախի մթնոլորտում:

«Այդ երկրում տարածված է քաղաքական մոտիվներով քրեական հետապնդումների, ազատազրկման, վատ վերաբերմունքի ու խոշտանգումների պրակտիկան: Ընդհանուր առմամբ մարդու հիմնարար իրավունքները չեն հարգվում»,-նշված է հայտարարության մեջ:

Եվրոպայի Խորհրդի Խորհրդարանական Վեհաժողովի (ԵԽԽՎ) ամառային նստաշրջնում, որը մեկնարկել է հունիսի 25-ին, քննարկվել են Ադրբեջանի հետ կապված մի շարք հարցեր:

ԵԽԽՎ-ում հունիսի 25-ին և 26-ին քննարկվել են Ադրբեջանում 2018 թ. տեղի ունեցած արտահերթ նախագահական ընտրությունների արդյունքները, պատրաստվել է «Քաղբանտարկյալներն Ադրբեջանում» զեկույցը:

Ադրբեջանի արտահերթ նախագահական ընտրությունների վերաբերյալ զեկույցը հունիսի 25-ին ներկայացրել է ռումինացի պատգամավոր Ռիեկարդ Բադեն, որում իրավական գնահատական է տրվել ընտրություններին, դրանց համապատասխանությանը կամ անպահամապատասխանությանը ժողովրդավարության նորմերին և Եվրոպայի խորհրդի չափանիշներին:

Այս թեմայով ԵԽԽՎ ամառային նստաշրջանի օրակարգում Ադրբեջանի հետ կապված մի շարք հարցեր կան ԵԽԽՎ–ն այս տարվա հինգերորդ նախագահին է ընտրել ԵԽԽՎ-ն այսօր կընտրի նոր նախագահ ԵԽԽՎ պատվիրակները համացանցում ատելության դրսեւորման դեմ են արտահայտվել