Ադրբեջանցի միլիարդատերը տիեզերական պետություն է հիմնել

Ռուսաստանաբնակ ադրբեջանցի միլիարդատեր Իգոր Աշուրբեյլին հայտարարել է տիեզերական պետություն հիմնելու մասին, գրում է ria.ru-ն՝ մանրամասնելով, որ նա այդ մասին ասել է Վիեննայում կայացած միջոցառման ժամանակ:

Աշուրբեյլիի խոսքով` պետությունը կոչվում է Ասգարդիա ու հենց ինքն էլ դրա ղեկավարն է:

«Կարող եմ հայտարարել, որ Ասգարդիան արդեն ծնվել է»,-ասել է միլիարդատերը:

Չնայած, որ Ասգարդիան Երկրի վրա տարածք չի զբաղեցնում, սակայն այն ունի մոտ 200.000 քաղաքացի, որոնք համացանցի միջոցով ստորագրել են Ասգարդիայի քաղաքացի դառնալու հայտարարության տակ:

Նշվում է, որ Աշուրբեյլին տիեզերական պետությունը մտադիր է կառուցել Լուսնի կամ ուղեծրի վրա:

Հետաքրքրական է, որ Ասգարդիան արդեն ունի սահմանադրություն, դրոշ, օրհներգ, պետական ներկայացուցիչներ, SOLAR կրիպտոարժույթ: Իսկ ինչ վերաբերում է Երկրի հետ կապերին, ապա Աշուրբեյլիի խոսքով՝ պետությունը պետք է ինքնուրույն լինի:

«Ասգարդիան կմշակի ենթակառուցվածք, որը կախում չի ունենա երկրային համակարգերից»,-ասել է Աշուրբեյլին:

Այս թեմայով Տպավորիչ «արյունոտ Լուսին». 2026 թվականի մարտի 3-ին սպասվում է Լուսնի լիակատար խավարում Փետրվարի վերջին վեց մոլորակներ գիշերային երկնքում «շքահանդեսի» կշարվեն Գիտնականները հայտնաբերել են փոքր աստերոիդների քիմիական կազմը Երկրի վրա կրկի՞ն մագնիսական փոթորիկ կսկսվի․ Բնակիչներին զգուշացրել են Երկրի վրա մոտ երկու օր մոլեգնող մագնիսական փոթորիկն ավարտվել է