Կվիրիկաշվիլի․ ԵՄ դռները բացվել են Վրաստանի համար

ԵՄ դռները բացվել են Վրաստանի համար, հայտնել է երկրի վարչապետ Գեորգի Կվիրիկաշվիլին՝ մեկնաբանելով Բրյուսելում ստորագրված կանոնակարգումը՝ Վրաստանի քաղաքացիների կարճաժամկետ ուղեւորությունների համար վիզաների չեղարկման մասին, հայտնում է «Նովոստի Վրաստանը»։

«Ուզում եմ բոլորին շնորհավորել այս կարեւորագույն որոշման կապակցությամբ, որը առաջին հերթին արտացոլում է ԵՄ քաղաքական աջակցությունը Վրաստանին ։ Այսօր ԵՄ-ի դռները բացվել են Վրաստանի համար»,- ասել է Կվիրիկաշվիլին լրագրողներին՝ նկատելով , որ այսօր ԵՄ-ն Վրաստանի հանդեպ ցուցադրել է «հսկայական վստահություն»։

Վարչապետը հավելել է, որ Վրաստանը պետք է շարունակի բարեփոխումների իրականացումը, ԵՄ լիիրավ անդամ դառնալու համար։

Վրաստանի քաղաքացիների համար ԵՄ-ի հետ անվիզա ռեժիմ սահմանելու մասին համաձայնագիրը ուժի մեջ է մտնելու մարտի 28-ից։

Ըստ նոր կանոնների՝ Վրաստանի քաղաքացիները կկարողանան մինչեւ 90 օր ժամկետով առանց վիզաների գտնվել ԵՄ երկրներում՝ գործնական, զբոսաշրջային կամ ընտանեկան նպատակներով։

news.am

Այս թեմայով Սահակաշվիլիի կողմնակիցները Իվանիշվիլիից պահանջել են ծնկի գալ եւ ներում հայցել Թբիլիսիում ցուցարարները փորձել են ներխուժել խորհրդարան, իրավիճակը լարված է (տեսանյութ) Վրաստանում պետությունը կշարունակի օգնել փոքր ու միջին հյուրանոցներին Վրաստանը չի կարող բացել սահմանը Հայաստանից զբոսաշրջիկների համար Վրաստանում հաստատվել է կորոնավիրուսով վարակման 2 դեպք