Վրաստանի կաթողիկոսի դեմ մահափորձի մեջ մեղադրվող հոգեւորականը նզովել է դատախազներին

Հոգեւորականի մահափորձի մեջ մեղադրվող սարկավագ Գեորգի Մամալաձեն հրաժարվել է համագործակցել հետաքննության հետ եւ նզովել է վրացական օրինապահներին։ Այդ մասին հաղորդել է դատախազ Ջարջի Ցիկլաուրին։
«Մեղադրյալը, փոխանակ պատասխանելու մեր հարցերին, մեր հասցեին անեծքներ տեղաց, եւ ընդհանրապես բոլոր օրինապահ գերատեսչությունների հասցեին»,– ասել է դատախազը։
«Ինտերֆաքսի» տվյալներով, Մամալաձեի հաղորդագրության մեջ ասվում է. «եթե ես ցիանիդ եմ ունեցել եւ ուզել եմ թունավորել կաթողիկոսին, կամ մեկ այլ հոգեւորականի, թող այս անեծքով ապրեն իմ բոլոր սերունդները, իսկ եթե ոչ՝ ապա ձեր սերունդները»։
Գեորգի Մամալաձեն՝ Վրաստանի կաթողիկոսարանի գույքի կառավարման վարչության ղեկավարը, ձերբակալվել էր Թբիլիսիի օդանավակայանում, փետրվարի 10-ին։ Նա նախատեսում էր մեկնել Բեռլին, որտեղ ամենայն Վրաց Կաթողիկոս Իլյա II-ը բուժում էր ստանում։ Նրա ուղեբեռում ցիանիդ էր հայտնաբերվել։ Մամալաձեի տան խուզարկության ժամանակ նրա մոտ նաեւ հրազեն են գտել։
Մամալաձեին սպառնում է յոթից տասնհինգ տարի ազատազրկում։
Իլյա II-ը, մեկնաբանելով Մամալաձեի շուրջ իրավիճակը, ասել է, որ վաղուց է ճանաչում սարկավագին եւ երբեւէ նրա մասին «բացի լավից ուրիշ ոչինչ» չի լսել։
Մոտ օրերս Վրաստանի դատախազությունը կհաղորդի, թե արդյոք կաթողիկոսի անձնական թիկնազորի նախկին ղեկավար Իոսեբա Օխանաշվիլիին մեղադրանք կառաջադրվի, թե՝ ոչ։ Նախօրեին նա հայտարարել է, որ իրեն փորձում են «ներքաշել» այդ գործի մեջ։

Top-News.am

Այս թեմայով Սահակաշվիլիի կողմնակիցները Իվանիշվիլիից պահանջել են ծնկի գալ եւ ներում հայցել Թբիլիսիում ցուցարարները փորձել են ներխուժել խորհրդարան, իրավիճակը լարված է (տեսանյութ) Վրաստանում պետությունը կշարունակի օգնել փոքր ու միջին հյուրանոցներին Վրաստանը չի կարող բացել սահմանը Հայաստանից զբոսաշրջիկների համար Վրաստանում հաստատվել է կորոնավիրուսով վարակման 2 դեպք