Արտահերթ ընտրությունների նախապատրաստման համար անհրաժեշտ են ողջամիտ ժամկետներ
Ընտրական բարեփոխումների իրականացումը բավականաչափ ժամանակ եւ նախապատրաստական աշխատանքներ է պահանջում։ Այսպիսի տեսակետ է հայտնել Վենետիկի հանձնաժողովի նախագահ Ջիանի Բուքիքիոն։ NEWS.am–ի հետ զրույցում նա պատմել է, թե ինչպես կարող է Վենետիկի հանձնաժողովն օգնել եւ որքան ժամանակ կպահանջվի բարեփոխումների համար։
ՀՀ վարչապետը Ընտրական օրենսգրքի բարեփոխման հանձնաժողովի ստեղծման մասին որոշման նախագիծ է ստորագրել։ Ցանկանում ենք հարցնել Ձեզ գործընթացի մասին՝ նոր կառավարությունը պե՞տք է արդյոք սկզբում բարեփոխման նախագիծը ներկայացնի Վենետիկի հանձնաժողովին։
Վենետիկի հանձնաժողովը եւ Հայաստանը լավ համագործակցության երկար պատմություն ունեն։ ՀՀ արդարադատության նախարարը փոխանցել է կառավարության պատրաստակամությունը շարունակել համագործակցությունը հանձնաժողովի հետ։ Իր հերթին հանձնաժողովը ամբողջական աջակցություն է հայտնել Հայաստանում բոլորովին վերջերս տեղի ունեցած իշխանության խաղաղ փոխանցմանը եւ պատրաստ է ցանկացած ձեւով օգնություն ցուցաբերել, որպեսզի արդյունավետորեն եւ նպատակային կերպով ամրապնդի ՀՀ–ում ինստիտուտների ժողովրդավարական գործողությունը Սահմանադրությանը համապատասխան։
Որոշ քաղաքագետներ եւ փորձագետներ խոսում են, որ տեխնիկապես անհնար է ընտրություններն այս տարի անցկացնել։ Կա՞ն արդյոք հստակ ժամկետներ այդպիսի բարեփոխումների համար։ Որքա՞ն ժամանակ կպահանջվի Վենետիկի հանձնաժողովի փորձագետներից այդ փաստաթղթի քննարկման եւ հանձնաժողովի կողմից հավանության արժանացնելու համար։
Վենետիկի հանձնաժողովն անցյալում ընդգծել է, որ ցանկացած կարեւոր բարեփոխում՝ լինի դա սահմանադրական կամ ընտրական, պետք է ադեկվատ կերպով պատրաստվի բաց եւ թափանցիկ գործընթացի շրջանակներում եւ պետք է ընդունվի առավելագույնս լայն կոնսեսուսով։
Բարեփոխումների իրականացումը նաեւ պահանջում է բավականաչափ ժամանակ եւ պատրաստություն։ Փաստացի ժամանակը տատանվում է բարեփոխումների հստակ բովանդակությունից եւ մակարդակից կախված։ Սկզբունքորեն, գերադասելի է, որ բարեփոխման հարցում շտապողականություն չդրեւսորվի, որակը պետք է գերակայի արագության նկատմամբ։ Բայց կարող են լինել այնպիսի իրավիճակներ, երբ ժամանակը կարեւոր է։
Իդեալական առումով, Վենետիկի հանձնաժողովը պետք է ներգրավված լինի վաղ փուլում, որ հետեւի գործընթացին մինչեւ վերջ։ Հանձնաժողովը իր եզրակացությունը կարող է պատրաստել բավականին արագ, եւ կա հատուկ գործընթաց, որը պետք է պահպանել հրատապ դեպքերում։
ՀՀ արդարադատության նախարարությունը մամուլի հաղորդագրություն է հրապարակել Ձեր եւ նախարար Արտակ Զեյնալյանի հանդիպման արդյունքների մասին Վենետիկի հանձնաժողովի լիագումար նիստի ժամանակ։ Ըստ հայտարարության՝ Դուք շեշտել եք, որ քաղաքական կուսակցությունները պետք է բավականաչափ ժամանակ ունենան ընտրական օրենսդրության բարեփոխումներից հետո ընտրություններին պատրաստվելու համար։ Ի՞նչ եք կարծում՝ որքա՞ն ժամանակ է անհրաժեշտ։
Ամեն բարեփոխման համար ունիվերսալ ֆիքսված ժամանակահատված գոյություն չունի։ Նախկինում հանձնաժողովը խորհուրդ է տվել, որ ընտրական օրենսդրությունը չփոխվի ընտրություններից մեկ տարի առաջ։ Այդ ժամանակահատվածը բարեփոխումների անցկացման համար անհրաժեշտ միջին ժամանակահատվածն է։ Բայց դա վերջնական չէ, կարող են լինել հատուկ դեպքեր, որոնք պահանջում են արագ գործողություններ կամ արձագանք։ Վենետիկի հանձնաժողովը եւ նախարար Զեյնալյանը համաձայն են այն հարցում, որ արտահերթ ընտրությունների նախապատրաստման համար անհրաժեշտ են ողջամիտ ժամկետներ։
Լուրեր Հայաստանից - NEWS.am
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...