«Աշխատելու եմ օրուգիշեր». Թուրքիայի ընտրական հանձնաժողովը հայտարարել է ընտրություններում Էրդողանի հաղթանակի մասին

Թուրքիայի գերագույն ընտրական հանձնաժողովի ղեկավար Սադի Գյուվենան հայտարարել է, որ երկրի ղեկավար Ռեջեփ Թայիփ Էրդողանը հունիսի 24-ին կայացած արտահերթ նախագահական ընտրություններում ստացել է քվեների բացարձակ մեծամասնությունը:

Ինչպես նշում է Anadolu գործակալությունը՝ հանձնաժողովի տվյալներին հղումով, մշակվել է քվեաթերթիկների 99%-ը, ինչից հետո պարզ է դարձել, որ Էրդողանը ստացել է ձայների 52,6%-ը:

«Իմ ազգն ինձ պետության ղեկավարի պարտականությունները կատարելու իրավունք է տվել: Կարծում եմ՝ ոչ ոք կասկածի տակ չի առնի քվեարկության արդյունքներն ու սեփական պարտությունն արդարացնելու նպատակով մեջտեղ չի բերի ժողովրդավարությունը»,-հայտարարել է Էրդողանը:

Մինչդեռ ria.ru-ն հաղորդում է, որ հաղթանակից հետո Էրդողանն Անկարայում ելույթ է ունեցել իր աջակիցների առաջ՝ խոստանալով օրուգիշեր աշխատել՝ իր երկիրն ամբողջ աշխարհի համար օրինակ դարձնելով:

 «Շնորհակալ եմ քաղաքացիներից յուրաքանչյուրին, ով իր պարտքն է կատարել ու մասնակցել է ընտրություններին և կապ չունի, թե իր քվեն ում օգտին է տվել: Շնորհակալ եմ բոլոր թեկնածուներին ու նրանց օգնականներին: Մենք հրաման ենք ստացել ժողովրդից, ու մոտ ժամանակներս կշտկենք մեր բոլոր թերությունները: Մենք ավարտել ենք կառավարման նախագահական համակարգին անցնելուն ուղղված աշխատանքների հիմնական մասը: Երբ կողմնորոշվենք վարչակազմի ու նախարարաների հարցում՝ կսկսենք օրուգիշեր աշխատել, կկատարենք մեր բոլոր պարտականություններն ու ամբողջ աշխարհի համար օրինակ կդառնանք»,-հայտարարել է նա:

Habertürk-ը հաղորդում է, որ գործող նախագահի գլխավոր ընդդիմադիր մրցակից Մուհարրեմ Ինջեն արդեն ճանաչել է Էրդողանի հաղթանակը: Նա ստացել է 30,7% ձայն։

«Ես համաձայն եմ՝ Էրդողանը հաղթել է»,-նշել է Ինջեն:

Այս թեմայով Ստամբուլի քաղաքային ավտտոբուսները հետաքրքիր ձեւով են շնորհավորել նոր քաղաքապետի հաղթանակը (տեսանյութ) Ստամբուլի քաղաքապետի իշխանական թեկնածուն պարտությունից հետո արտասվել է (տեսանյութ) Թուրքիայի ԳԸՀ-ն հրաժարվել է չեղյալ համարել նախագահական ընտրությունների արդյունքները Թուրքիան կքվեարկի այնքան, մինչեւ որ Էրդողանն ստանա ցանկացածը. NYT Ստամբուլի ընդդիմադիր քաղաքապետը հրաժարվել է ընդունել ԿԸՀ որոշումը