Էրդողանը նախընտրական հանրահավաք է անցկացրել Ստամբուլում

Թուրքիայի նախագահ Ռեջեփ Թայիփ Էրդողանը կիրակի նախընտրական հանրահավաք է անցկացրել Ստամբուլում, որին ներկա են գտնվել տասնյակ հազարավոր քաղաքացիներ:

Ինչպես նշում է France Presse գործակալությունը՝ հանրահավաքն անցկացվել է հաջորդ հանգստյան օրերին կայանալիք ընտրություններին ընդառաջ: Էրդողանն ու նրա ղեկավարած «Արդարություն և զարգացում» կուսակցությունը, որը նա հիմնել է 2001 թվականին, ձգտում են երկրորդ ժամկետով իշխանության գլխին մնալ խորհրդարանական և նախագահական ընտրություններից հետո:

Հանրահավաքի ավարտին Էրդողանը նշել է, որ Ստամբուլում «այլևս անելիք չունի, Ստամբուլն արդեն կայացրել է իր որոշումը»: Հավաքին ներկաները «այո» վանկարկումներով էին արձագանքում գործող նախագահի ելույթին:

Հիշեցնենք, որ խորհրդարանական և նախագահական ընտրությունները Թուրքիայում կայանալու են հունիսի 24-ին:

Այս թեմայով Ստամբուլի քաղաքային ավտտոբուսները հետաքրքիր ձեւով են շնորհավորել նոր քաղաքապետի հաղթանակը (տեսանյութ) Ստամբուլի քաղաքապետի իշխանական թեկնածուն պարտությունից հետո արտասվել է (տեսանյութ) Թուրքիայի ԳԸՀ-ն հրաժարվել է չեղյալ համարել նախագահական ընտրությունների արդյունքները Թուրքիան կքվեարկի այնքան, մինչեւ որ Էրդողանն ստանա ցանկացածը. NYT Ստամբուլի ընդդիմադիր քաղաքապետը հրաժարվել է ընդունել ԿԸՀ որոշումը