Ադրբեջանում ձերբակալվել է «Թալիշների ձայնը» թերթի գլխավոր խմբագիր

Ադրբեջանում ձերբակալվել է «Թոլիշոն սադո» («Թալիշների ձայնը») թերթի գլխավոր խմբագիր Ռաֆիգ Ջալիլովը: Turan-ի փոխանցմամբ՝ նրան տեղափոխվել են Լյանկյարանի ոստիկանական բաժին: «Ես արդեն երեք ժամ է այստեղ եմ՝ ոստիկանությունում», - ասել է Ջալիլովը, որին մեջբերում է գործակալությունը: Տեղեկատվության համաձայն՝ այս ամբողջ ընթացքում նրան հարցաքննում են թերթի գործունեության վերաբերյալ: Ջալիլովի հետ միասին ոստիկանությունում են պահվում նաեւ նրա երկու քույրերը, եղբայրը եւ հղի դուստրը:

Նշենք, որ թալիշական թերթի խմբագիրները պարբերաբար հայտնվում են ադրբեջանական ուժայինների ուշադրության կենտրոնում: Ժամանակին ձերբակալվել էր այս թերթի խմբագիր Գիլալա Մամեդովան: Ավելի ուշ թերթի աշխատակից Շահին Միրզոեւը դիմել էր Հայաստանի իշխանություններին ժամանակավոր ապաստան ստանալու խնդրանքով:

Այս թեմայով Հայաստանի և Ադրբեջանի ԱԳ նախարարների հանդիպումը կկայանա փետրվարի 28-29-ը Բեռլինում. ԱԳՆ խոսնակ ԱՄՆ-ն «ձեռքերը լվացել է» Հայաստան-Ադրբեջան բանակցային գործընթացից. Արթուր Խաչատրյան Ալիևը պաշտոնական այցով ժամանել է Թուրքիա Ադրբեջանն ու Ղազախստանը համատեղ վարժանքներ կանցկացնեն «Ռոյթերզ». «Մոսկվան լարվածություն է բորբոքել հօգուտ Ադրբեջանի»