Որքան են կազմում Ադրբեջանի նավթի հաստատված պաշարներն ըստ ՕՊԵԿ-ի

2017 թվականի վերջին Ադրբեջանի նավթի հաստատված պաշարները 7 միլիարդ բարել են կազմում: Այդ մասին ասված է Նավթ արտահանող երկրների կազմակերպության (ՕՊԵԿ) զեկույցում, հայտնում է ԱՊԱ գործակալությունը:

Փաստաթղթի համաձայն՝ 2017 թվականի վերջին Իրանի նավթի հաստատված պաշարները կազմում են 155,6 միլիարդ բարել, Ռուսաստանինը՝ 80 միլիարդ բարել, Ղազախստանինը՝ 30 միլիարդ բարել, Թուրքմենստանինը՝ 600 միլիոն բարել:

Նավթի հաստատված պաշարների ծավալով աշխարհում առաջին տեղը զբաղեցնում է Վենեսուելան՝ 302,809 միլիարդ բարել, նրան հետևում են Սաուդյան Արաբիան՝ 266,260 միլիարդ բարել, Իրանը, Իրաքը՝ 147,223 միլիարդ բարել, Քուվեյթը՝ 101,500 միլիարդ բարել:

Նավթի հաստատված պաշարների ծավալով աշխարհում վերջին տեղը զբաղեցնում է Բելառուսը՝ 198 միլիոն բարել: