Եթե հայ-թուրքական արձանագրությունները հաջողության հասնեին՝ Կովկասում այսօր բոլորովին այլ մթնոլորտ կտիրեր․ պատգամավորի թուրք թեկնածու
Թուրք դիվանագետ, ընդդիմադիր Ժողովրդահանրապետական կուսակցությունից պատգամավորի թեկնածու Ունալ Չևիքյոզը Ստամբուլում գործող հայկական պարբերականներից «Ակօս»-ի հետ զրույցում անդրադարձել է հայ-թուրքական հարաբերություններին, դրանց վերականգնման տապալված փորձին ու նոր հեռանկարներին։
Երկար տարիներ Թուրքիայի արտաքին գործերի նախարարությունում աշխատած Չևիքյոզը, որը հայ-թուրքական արձանագրությունների ստորագրման համար ամենաակտիվ ջանքերը գործադրած պաշտոնյաներից է, կարծում է, որ դրանք հաջողության չհասան թե՛ Թուրքիայի, թե՛ Հայաստանի թույլ տված մի շարք սխալների պատճառով։
Թուրք գործիչը շեշտել է, որ Թուրքիան պարտավոր է վերանայել իր քաղաքականությունը գրեթե բոլոր հարևանների նկատմամբ։ Ըստ նրա՝ Թուրքիան սկսել է ընկալվել ոչ թե որպես խնդիրներ լուծող, այլ խնդիրներ առաջացնող երկիր։
«Ես կարծում եմ, որ Թուրքիայի իշխանությունները կարող էին գլուխ բերել այս գործը։ Եվ երանի թե նրանք արած լինեին դա։ Այս ամենը չէր սահմանափակվի Թուրքիայի և Հայաստանի միջև հարաբերությունների կարգավորմամբ ու տարածաշրջանում խաղաղության մթնոլորտի զարգացմամբ․ սա, միևնույն ժամանակ, դրական ազդեցություն կթողներ Հայաստանի և Ադրբեջանի միջև առկա կոնֆլիկտի լուծման հարցում։ Իհարկե, պետք է ընդունել, որ սխալներ է թույլ տվել ոչ միայն Թուրքիան, այլև Հայաստանը։ Երկու կողմերն էլ բաց թողեցին այս առիթը, և դա այն դեպքում, երբ երկուսն էլ այդ արձանագրությունների համար այդքան ջանք էին թափել ու հաջողել դրանց ստորագրման իրականացումը։ Երանի այս ամենը կարողանային շարունակել, կարծում եմ, որ այդ դեպքում Կովկասում այսօր բոլորովին այլ մթնոլորտ կտիրեր», - ասել է թուրք դիվանագետը։
Նա հավելել է, որ Թուրքիան այս առումով արտաքին քաղաքական լուրջ խնդիրներ ունի և կարիք ունի վերանայելու իր մոտեցումները ոչ միայն Հայաստանի, այլև Հունաստանի ու մյուս հարևան երկրների հետ։
«Այս առումով հայաստանյան վերջին զարգացումները կարող են որպես հույսի շող ընկալվել։ ՀՀ վարչապետ Նիկոլ Փաշինյանի մոտեցումներն այս իմաստով շատ կարևոր են ու դրական», - նշել է Չևիքյոզը։
Ստամբուլի քաղաքային ավտտոբուսները հետաքրքիր ձեւով են շնորհավորել նոր քաղաքապետի հաղթանակը (տեսանյութ)
Ստամբուլի քաղաքապետի իշխանական թեկնածուն պարտությունից հետո արտասվել է (տեսանյութ)
Թուրքիայի ԳԸՀ-ն հրաժարվել է չեղյալ համարել նախագահական ընտրությունների արդյունքները
Թուրքիան կքվեարկի այնքան, մինչեւ որ Էրդողանն ստանա ցանկացածը. NYT
Ստամբուլի ընդդիմադիր քաղաքապետը հրաժարվել է ընդունել ԿԸՀ որոշումը
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը