«Հրաժարական չեմ տալու». Հրայր Թովմասյան (Տեսանյութ)
Սահմանադրական դատարանը չի համագործակցում երբեք որևէ քաղաքական ուժի հետ, Սահմանադրական դատարանն իրականացնում է իր գործառույթները, այսօր լրագրողների հետ ճեպազրույցում ասաց Սահմանադրական դատարանի նախագահ Հրայր Թովմասյանը։
Թովմասյանը նաև ասաց, որ չի պատրաստվում հրաժարական տալ։
«Ազատություն». - Ձեր հեղինակած Սահմանադրության արդյունքը չէ՞ր, որ ապրիլին էսպիսի վիճակում հայտնվեց Հայաստանը։
Թովմասյան. - Այն Սահմանադրությունը, որի մշակմանը ես մասնակցել եմ, արժանացել է և՛ հայաստանյան, և՛ միջազգային հեղինակավոր կազմակերպությունների բարձր գնահատականին, և այն ժամանակահատվածում դեռևս այդ Սահմանադրությունը որևէ խնդիր չի առաջացրել։
«Ազատություն». - Բայց փորձը ցույց տվեց, որ դա կոնկրետ Սերժ Սարգսյանի համար էր, ինչը Դուք հերքում էիք։
Թովմասյան. - Ինչում Դուք սխալվեցիք, և իրադարձությունները ցույց տվեցին։
«Ազատություն». - Ժողովրդական շարժման արդյունքում նա հեռացավ և ոչ թե Սահմանադրության։
Թովմասյան. - Դուք հիմա տալիս եք հարցեր, որոնք իրենց մեջ քաղաքական կոնտեքստ ունեն։ Սահմանադրական դատարանի դատավորը պարտավոր է ապահովել քաղաքական չեզոքություն և զսպվածություն։ Խնդրում եմ Ձեզ՝ մի տվեք հարցեր, որոնք իրենց մեջ քաղաքական կոմպոնենտ են պարունակում, որովհետև ես դրանց չեմ կարող պատասխանել, և ես վատ եմ զգում, որ չեմ կարող դրանց պատասխանել, իսկ հարցը կարծեք թե հնչում է և մնում է օդի մեջ: Սա պարզապես խնդրանք Ձեզ և Ձեր բոլոր կոլեգաներին։
«Ազատություն». - Դուք հրաժարական տալո՞ւ եք, պարոն Թովմասյան։
Թովմասյան. - Ո՛չ։
Նշենք, որ փաստաբան Վահե Գրիգորյանի թեկնածությունը Սահմանադրական դատարանի դատավորի պաշտոնում առաջադրելու կոչով հարյուրից ավելի փաստաբաններ դիմել են երկրի նախագահ Արմեն Սարգսյանին:
Հարցին, թե Վահե Գրիգորյանին տեսնո՞ւմ է իր դատարանի դատավոր, Թովմասյանը պատասխանեց. - «Ես տեսնում եմ յուրաքանչյուրին, ով կստանա Ազգային ժողովի պատգամավորների առնվազն երեք հինգերորդի աջակցությունը։ Ես, որպես Սահմանադրական դատարանի նախագահ, ունեմ զրո ազդեցություն որոշելու, թե ով պետք է լինի Սահմանադրական դատարանի դատավոր։ Ցանկացած թեկնածությանը, որը կառաջադրեն այդ երեք սուբյեկտները՝ հանրապետության նախագահը, կառավարությունը և դատավորների ընդհանուր ժողովը, վերաբերում եմ հարգալից, ես հարգում եմ այդ բոլոր կառույցների սահմանադրական իրավունքը՝ որոշելու, թե ով է լինելու»։
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...