«ՀՀԿ-ն կաջակցի բոլոր դրական փոփոխություններին». Արա Բաբլոյան
Հանրապետական կուսակցությունը (ՀՀԿ) կաջակցի դրական բոլոր փոփոխություններին, այսօր լրագրողների հետ ճեպազրույցում ասաց Ազգային ժողովի նախագահ Արա Բաբլոյանը։
Հարցին, թե Ընտրական օրենսգրքի փոփոխության անհրաժեշտություն տեսնո՞ւմ է, Բաբլոյանը պատասխանեց. - «Տարբեր քաղաքական ուժեր տարբեր դիրքորոշումներ ունեն։ Կարծում եմ, որ ժողովրդավարական մոտցումները և Սահմանադրության պաշտպանումը հենց նրանում է կայանում, որ մենք կարողանանք մեր քայլերը համահունչ կազմակերպել և չստեղծել նախադեպ Սահմանադրությունից դուրս որևիցե մի քայլ իրականացնել։ Եթե քաղաքական ուժերը կգան կոնսենսուսի, որ պետք է որոշակի փոփոխություն կատարել, ինչ խոսք որ պետք է կատարել»։
«Ազատություն». - Պարոն Բաբլոյան, սկզբունքայինը ռեյտինգայինի վերացումն էր, որում Հանրապետականը միշտ դեմ է եղել՝ անզիջում դեմ է եղել, ինչ-որ բան փոխվե՞լ է։
Բաբլոյան. - Ես նորից կարող եմ կրկնել նույնը՝ ամեն քաղաքական ուժ, ամեն կուսակցություն իր իրավունքն ունի իր դիրքորոշումը ներկայացնելու, և դրանք կարող են փոխվեն, կամ շտկվեն միայն բանակցությունների և քննարկումների արդյունքում։
«Ազատություն». - Պատրաստ ե՞ք այդ բանակցություններին։
Բաբլոյան. - Հանրապետական կուսակցությունը միշտ պատրաստ է եղել բանակցություններին և քննարկումներին, և հիմա հայտարարում է, որ կաջակցի բոլոր դրական փոփոխություններին։
«Ազատություն». - Պարոն Բաբլոյան, հայտարարվել էր, որ Հանրապետական կուսակցական մարմինները պետք է քննարկեն կուսակցության նախագահի փոփոխության հարցը, բայց հիմա կարծես թե էլ չի բարձրաձայնվում էդ մասին, և Սերժ Սարգսյանն է նորից ձեր նիստերը վարում։
Բաբլոյան. - Մենք նման բան չենք քննարկել, այդպիսի հայտարարություն չի եղել։
«Ազատություն». - Օրակարգում չկա՞ կուսակցության նախագահի փոփոխության հարց։
Բաբլոյան. - Չկա օրակարգում։
«Ազատություն». - ԱԱԾ-ն հայտարարել է հակակոռուպցիոն մեծ գործողություն իրականացնելու մասին, մտավախությո՞ւն չունեն ՀՀԿ-ում. ամենաշատ մեծահարուստները ձեր կուսակցությունում են, ձեր խմբակցությունում են։
Բաբլոյան. - Պետք է հարգենք մարդու իրավունքը, պետք է հարգենք այն մարդկանց իրավունքը, ովքեր որ հարկեր են վճարում և այս պետությունը զարգացնում են, եթե մարդիկ գործարար են և մեծ կարողությունների տեր, չի նշանակում, որ նրանք գող են կամ ավազակ։
«Ազատություն». - Եթե պաշտոնյա են, բայց միլիոննե՞ր ունեն։
Բաբլոյան. - Նշանակում է, որ նրանք ավելի մեծ մասնակցություն ունեն մեր երկրի զարգացմանը, մեր պետության կառուցմանը։
«Ազատություն». - Պարոն Բաբլոյան, Երևանի քաղաքապետը միլիոններ ունի նույնիսկ իր հայտարարագրով, բայց միշտ պետական պաշտոնյա է եղել։
Բաբլոյան. - Մանսավոր հարցերը միշտ կարող եք ճշտել այն անձանց հետ, ում նշում եք։
«Ազատություն». - Չկա՞ մտավախություն կուսակցությունում այս ստուգումների հետ կապված։
Բաբլոյան. - Ոչ։
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...