Մեղավորները պետք է պատժվեն, գործն ինչո՞ւ է փակվել. Փաշինյանը դիմեց դատախազին
Ուսանողների վրա հարձակում էր տեղի ունեցել Հերացի փողոցում, այդ հարձակման տեսարանը համացանցում տարածված է, ու հիմա պարզվում է, որ գործ է հարուցվել ու կարճվել է: Այս մասին, այսօր՝ մայիսի 17-ին, կառավարության նիստում հայտարարեց ՀՀ վարչապետ Նիկոլ Փաշինյանը:
«Քաղաքական պրոցեսների ընթացում, ապրիլին հարձակումներ են ունեցել, քաղաքացիների ավտոմեքենաներ են ջարդվել: Ես ակնկալում եմ, որ շատա արագ այդ գործերը քննվեն, հարձակումների հեղինակները պարզվեն: Այս համատեքստում պետք է լուծենք նաեւ տուժած քաղաքացիների խնդիրը: Պետք է հասկանալ, թե ով է այդ պատասխանատվությունը կրելու: Այդ գործերը պետք է բացահայտվեն»,-հայտարարեց Նիկոլ Փաշինյանը:
Անդրադառնալով Հերացի փողոցում տեղի ունեցածին, որտեղ ծեծողներից մեկը, ըստ մամուլի տեղեկությունների, Մասիս քաղաքապետի եղբայր Գոռ Համբարձումյանն է, ՀՀ վարչապետը նշեց. «Այս գործելակերպին պետք է վերջ տանք, որ ինչ-որ արտոնյալ մարդկանց հանդիպելով ելնում ենք կանխավարկածից, որ այդ քրեական գործերը պետք է կարճվեն: Մենք խոսում ենք օրինականության հաստատման մասին: Ես բոլոր իրավապահ մարմիններին եմ դիմում՝ բոլորը պետք է հստակ տեսնեն, որ մենք գնում ենք օրինականության հաստատելու ճանապարհով: Այսօր այդպիսի հստակ ուղերձներ դեռ չկան, ես ակնկալում եմ, որ այդ ուղերձները կլինեն շատ հստակ:
Գլխավոր դատախազն այստեղ չի, բայց ես ակնկալում եմ, որ ստուգվի այդ կարճման օրինականությունը, որովհետեւ եթե այն, ինչ մամուլում գրվում է, համապատասխանում է իրականությանը, ապա ակնհայտ է, որ այդ որոշումն օրինականության հետ կապ չունի»:
Փաշինյանի խոսքով, բացառված է, որ բռնության որեւէ դեպք ամբողջական մինչեւ վերջ քննության չարժանանա, անկախ նրանից, թե ով է հեղինակը, եւ ով է զոհը, անկախ նրանից, թե որ թիմից է, որ կուսակցությունից է. «Մենք պետք է ունենանք բռնությունից զերծ հանրություն»:
ԿԳ նախարար Արայիկ Հարությունյանն էլ հավելեց, որ ինքն անձամբ ներկա է եղել այդ միջադեպին եւ հորդորեց իրեններգրավել որպես վկա:
Առաջին փոխվարչապետ Արարատ Միրզոյանն էլ նշեց, որ նման դեպք է արձանագրվել նաեւ «Երևան սիթի» սուպերմարկետի մոտ, երբ հարձակվել էին Տարոն Մարգարյանի հրաժարականը պահանջած ցուցարարների վրա:
ՀՀ ոստիկանապետը Վալերի Օսիպյանը նշեց, որ այդ ընթացքում ստացվել է 33 հաղորդում, բոլորը սահմանված կարգով գրանցվել են, ստուգվել են:. «Բոլորը գտնվում են ընթացքի մեջ: Անձանց ինքնությունը պարզելու միջոցառումներ են իրականացվել, առաջին արդյունքներն այսօր կհրապարակվեն»:
Լուրեր Հայաստանից - NEWS.am
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...