«Սասնա ծռերի» աջակիցներն Արշակունյաց պողոտայում են գիշերել (Տեսանյութ)
«Սասնա ծռերի» աջակիցներն արդեն 2-րդ օրն է՝ փակ են պահում Երեւանի Արշակունյաց պողոտան, որտեղ գտնվում է Երեւան քաղաքի ընդհանուր իրավասության դատարանի Շենգավիթի նստավայրը:
NEWS.am-ի թղթակիցը հաղորդում է, որ աջակիցները վրաններ են տեղադրել պողոտայում եւ գիշերել այստեղ: Տեղեկություններ կան, որ «Սասնա ծռերի» անդամները երեկվանից Շենգավիթի դատարանում են, ոստիկանությունը չի կարողանում նրանց տեղափոխել քրեակատարողական հիմնարկ: Հիշեցնենք, որ «Սասնա ծռերի» աջակիցները պահանջում են վերացնել ամբաստանյալների խափանման միջոց կալանավորումն ու նրանց անհապաղ ազատ արձակել: Նախօրեին «Սասնա ծռերի» պաշտպանները կրկին միջնորդեցին փոխել խափանման միջոցը, սակայն դատավոր Մեսրոպ Մակյանը մերժեց: Դրանից հետո աջակիցները դուրս եկան դատարանից եւ փակեցին Արշակունյաց պողոտան:
NEWS.am-ի հետ զրույցում «Սասնա ծռերի» պաշտպաններից Հարություն Բաղդասարյանը նշեց, որ փողոցը փակելով հասարակությունը փորձում է հասկացնել գործող իշխանություններին, որ նախկին եղանակներով հնարավոր չէ արդարադատություն իրականացնել: Հարցին՝ արդյո՞ք այս եղանակով հնարավոր է հասնել խնդրի լուծմանը, փաստաբանը պատասխանեց. «Քաղաքական իշխանություն է փոխվել փողոց փակվելով, այսինքն՝ որոշակի երեւույթներ իրենց դրական արդյունքը տվել են: Այս պարագայում, եթե փողոցային պայքարին մասնակցեն հազարավոր մարդիկ, արդյունքը շատ ավելի առարկայական կլինի»:
Նշենք, որ բողոքի ակցիայի պատճառով քաղաքում երթեւեկությունը փոփոխվել է, ինչն առաջացրել է խցանումներ, Արշակունյաց պողոտայով անցնող հանրային տրանսպորտը չի աշխատում: Ոստիկանությունը մի քանի խաչմերուկներում կարգավորում է երթեւեկությունը, սակայն կան խաչմերուկներ, որտեղ ՃՈ որեւէ աշխատակից չկա:
Լուրեր Հայաստանից - NEWS.am


















































Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Գերմանիան արգելել է չինական մեքենաների մուտքը ռազմական օբյեկտներ
13-ամյա աղջիկը ընկել է դպրոցի պատուհանից
Անչափահասին ուղեվարձը չվճարելու պատճառաբանությամբ ավտոբուսից իջեցնելու դեպքի հանգամանքները կուսումնա...
Տեղի է ունեցել պատգամավորական էթիկային առնչվող հարցերով ԱԺ ժամանակավոր հանձնաժողովի երրորդ նիստը
Վթարային ջրանջատում Երևանի և երկու մարզի մի շարք հասցեներում
Էդուարդ Սպերցյանը հավաքականի ճամբարում կշարունակի վնասվածքից ապաքինման գործընթացը
Վթարային ջրանջատում Վայք քաղաքում
ԱՄՆ զինծառայողը կասկածվում է Ռուսաստանի օգտին լրտեսություն կատարելու մեջ
3․600 բնակիչ ու ընդամենը մեկ միկրոավտոբուս