Թուրքիայում 54-ամյա կինը բանտում է հայտնվել սոցցանցում Էրդողանին քննադատող հրապարակում կատարելու համար

Թուրքիայում 54-ամյա կին է ձերբակալվել՝ նախագահ Ռեջեփ Թայիփ Էրդողանին սոցցանցերից մեկում կատարած հրապարակմամբ վիրավորելու համար, գրում է թուրքական diken.com.tr կայքը։

Նշվում է, որ Էսքիշեհիր քաղաքից 54-ամյա Բերրին․Ս․-ին արդեն առաջադրվել է մեղադրանք, ինչից հետո նա կալանավորվել է։

Առայժմ հայտնի չէ, թե քանի տարվա ազատազրկում է սպառնում կնոջը։

Հիշեցնենք, որ այս տարվա հունվարին Լրագրողների պաշտպանության միջազգային կոմիտեն (CPJ) Թուրքիայի նախագահ Ռեջեփ Թայիփ Էրդողանին շնորհել է «ամենանեղացկոտ» առաջնորդի կոչումը։ Նման ընտրության հիմք է ծառայել Թուրքիայում քրեական օրենսգրքի այն հոդվածը, որը պատիժ է նախատեսում երկրի նախագահին կամ «թրքությունը» վիրավորելու համար: Հայտնի է, որ 2017 թվականին տվյալ հոդվածով Թուրքիայում քննվել է 46.193 դատական գործ: