Միանգամից մի քանի երկրաշարժ Թուրքիայի հյուսիսում

Թուրքիայի հյուսիսում գտնվող Չանաքքալե և Բոլու նահանգներում այս գիշեր գրեթե միաժամանակ երկրաշարժեր են գրանցվել, գրում է diken.com.tr կայքը:

Չանաքքալեի Չան շրջանում տեղի ունեցած ստորգետնյա ցնցումների ուժգնությունը կազմել է 4․3 մագնիտուտ։ Թուրքիայում գործող Երկրաշարժերի հետազոտության ինստիտուտից հայտնել են, որ երկրաշարժի էպիկենտրոնը եղել է Թեփեքյոյ գյուղում:

Բոլու նահանգում գիշերվա ընթացքում գրանցվել են 3.8, իսկ մոտ կես ժամ անց 4 մագնտիուտ ուժգնությամբ ստորգետնյա ցնցումներ։

Նշենք, որ նախօրեին երկրաշարժեր էին գրանցվել նաև Թուրքիայի Մանիսա և Իզմիր նահանգներում։

Օրեր առաջ Թուրքիայի հարավ-արևմուտքում գտնվող Մուղլա նահանգի Բոդրում շրջանում գրանցվել է 4.2 մագնիտուտ ուժգնությամբ երկրաշարժ։