Ավստրալիան հանդես է գալիս Իրանի միջուկային ծրագրի ՀԳՀԾ պահպանման օգտին
Ավստրալիան հանդես է գալիս Իրանի միջուկային ծրագրի Համատեղ գործողությունների համապարփակ ծրագրի պահպանման օգտին: Այս մասին հայտնել է երկրի վարչապետ Մալքոլմ Թյորնբուլը չորեքշաբթի Սիդնեյում տեղի ունեցած Ֆրանսիայի նախագհ Էմանուել Մակրոնի հետ համատեղ մամուլի ասուլիսում, որն այցով Ավստրալիա է ժամանեկ, փոխանցում է ՏԱՍՍ-ը:
Ի պատասխան 2015 թվականին Իրանի հետ «վեցյակի» կնքած ՀԳՀԾ-ից ԱՄՆ-ի դուրս գալու հնարավոր որոշումը մեկնաբանելու խնդրանքին՝ Ավստրալիայի վարչապետը նշել է. «Մենք ՀԳՀԾ-ն եղած տարբերակներից լավագույնն ենք համարում եւ հանդես ենք գալիս այն պահպանելու օգտին՝ այսպիսին է մեր դիրքորոշումը»:
Ֆրանսիայի նախագահն իր հերթին հայտարարել է, որ շարունակում է ՀԳՀԾ-ն աջակցել, սակայն նպատակահարմար է համարում նրա դրույթների ընդլայնումը: Մակրոնը չի պատասխանել հարցին, թե ինչ դիքորոշում կգրավի Փարիզը, եթե ԱՄՆ-ն համաձայնագրից դուրս գա՝ հայտարարելով, որ «մտադիր չէ նման կարգի շահարկումներով զբաղվել»:
«Մենք ՀԳՀԾ բանակցություններ ենք վարել, մենք այն ստորագրել ենք եւ շարունակում ենք լավ համաձայնագիր համարել, սակայն հանդես ենք գալիս դրա շրջանակների ընդլայնման օգտին»: Ֆրանսիայի նախագահի կարծիքով՝ նման ընդլայնումը պետք է ներառի 2025 թվականից հետո Իրանի միջուկային գործունեությունը, նրա բալիստիկ ծրագիրը եւ տարածաշրջանում անվտանգության խնդիրները վերահսկելու հարցեր:
Տավուշում ոչ մի գազատար չի կառուցվել, նման գործընթաց չկա. մարզպետ
2025-ի ամենասիրված մանկական անունները Հայաստանում
2026-ը կարևոր տարի է 6G և խելացի համակարգերի համար
Ֆինն Գերագուսյանը նշեց իր նորամուտը Հայաստանի հավաքականի կազմում
Իրանը ռազմավարական առավելություն է ձեռք բերել. The Economist
Եկեք իսկապես մտածենք անհետ կորածների մասին
Սամվել Կարապետյանի և ևս 2 անձի վերաբերյալ քրեական վարույթի նախաքննությունն ավարտվել է. մանրամասներ
Իրանի ծանր ջրի արտադրության գործարանն այլևս չի գործում. ԱԷՄԳ
Իրանը հարվածել է Իսրայելի խոշոր ռազմական կենտրոնին․ թիրախում՝ Թել Ավիվը
Ալեն Սիմոնյանի և մի խումբ անձանց միջև միջադեպի առթիվ նախաձեռնվել է քրեական վարույթ