Մենք ինչի՞ ենք ուզում հասնել՝ դիկտատուրայի՞. Կարեն Կարապետյանը՝ Փաշինյանի հայտարարության մասին
Կարելի է քննադատել, բայց չի կարելի ուլտիմատիվ ասել՝ այս քաղաքական ուժը պետք է չլինի, այլ ուժ պետք է լինի: Այսօր՝ ապրիլի 25-ին, լրագրողների հետ հանդիպմանը նման կարծիք հայտնեց վարչապետի պաշտոնակատար Կարեն Կարապետյանը՝ անդրադառնալով Նիկոլ Փաշինյանի այն հայտարարությանը, թե Հանրապետական կուսակցությունը պետք է իշխանության չլինի:
«Ես շատ եմ հարգում քաղաքական կարծիքը մեր քաղաքական գործիչների, առաջնորդների, բայց երբ մենք խոսում ենք քաղաքական մշակույթի, հանդուրժողականության մասին, կարելի է քննադատել, բայց չի կարելի ուլտիմատիվ ասել՝ սա չպիտի լինի, նա պիտի լինի, ո՞վ է դա որոշում, մի տարբերակ դա որոշելու՝ ընտրությունն է»,- ասաց նա:
Կարեն Կարապետյանի խոսքով, գուցե նրան, որին Նիկոլ Փաշինյանը չի սիրում, մի զանգված կա, որ սիրում է եւ հակառակը. «Հիմա հակառակ կողմն էլ դուրս գա ասի՝ այս կուսակցությունը պետք է վերացնե՞լ, մենք ինչի՞ ենք ուզում հասնել, դիկտատուրայի՞ ենք ուզում հասնել, ուզում ենք թելադրանքի՞ գնալ: Պետք է ընտրություն անել ու հասկանալ՝ մեր զանգվածը ում է ուզում»:
Վարչապետի պաշտոնակատարը կարծիք հայտնեց, որ հաջորդ ընտրություններն էլ ունենալու թերություններ:
«Ոչ թե կանխավ եմ դա ասում, որ ինչ-որ բան արդարացնեմ, ոչ, բայց մենք պետք է հասկանանք, որ այն հիվանդությունները, պրոբլեմները, կրթվածության, կախվածության մակարդակը, բոլոր այն ցավերը եւ հիվանդությունները, որ մեր հասարակությունն ունի, դա տեղափոխվում է նաեւ քաղաքական կուսակցություններ, եւ այդ հիվանդություննները առկա են բոլոր քաղաքական կուսակցություններում, այդ թվում մեր քաղաքական թիմում»:
NEWS.am-ի մյուս հարցին, թե ըստ մամուլի հրապարակումների, Հանրապետական կուսակցությունում առկա են խնդիրներ, Կարեն Կարապետյանն արձագանքեց. «Հանրապետական կուսակցությունում աշխատանքային մթնոլորտ է»:
Արամ Աբրահամյան. Արագ ընտրեք Նիկոլ Փաշինյանին վարչապետ
ՀՀԿ-ականների տարօրինակ հարցերը եւ հասարակության արձագանքը
Նիկոլ փաշինյանի հանդիպումը ՀՀԿ խմբակցության հետ (Տեսանյութ)
Սա Մայդան չէ. NTV-ի անդրադարձը հայաստանյան իրադարձություններին (Տեսանյութ)
Նիկոլ Փաշինյանը ՌԴ պատվիրակության հետ քննարկել է ՀԱՊԿ-ի եւ ԵԱՏՄ-ի հարցերը
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...