Ռոհանի․ ԱՄՆ-ը կկանգնի լուրջ հետևանքների առջև, եթե դուրս գա Իրանի հետ համաձայնագրից

Իրանի նախագահը զգուշացրել է՝ Ամերիկան կկանգնի լուրջ հետևանքների առջև, եթե նախագահ Թրամփը որոշի դուրս գալ Թեհրանի միջուկային ծրագրի շուրջ համաձայնագրից:

«Դիմում եմ նրանց, որ Սպիտակ տանն են, Իրանի կառավարության արձագանքը խիստ կլինի, եթե նրանք ետ կանգնեն իրենց ստանձնած պարտավորություններից», - այսօր հայտարարել է Հասան Ռոհանին:

Միացյալ Նահանգների նախագահը եվրոպացի գործընկերներին մինչև մայիսի 12-ը ժամանակ է տվել 2015 թվականին Թեհրանի հետ կնքված համաձայնագրի, իր խոսքով՝ «սարսափելի թերությունները» շտկելու համար, սպառնալով հակառակ դեպքում վերականգնել պատժամիջոցները Իրանի նկատմամբ:

Այժմ Վաշինգտոնում է համաձայնագրի աջակից, Ֆրանսիայի նախագահ Էմանյուել Մակրոնը, ով, ըստ հաղորդումների, փորձում է համոզել Դոնալդ Թրամփին փոխել դիրքորոշումն այս հարցում:

Այս թեմայով ԱՄՆ-ը պատժամիջոցներ է սահմանել Իրանի հետ կապված ընկերությունների նկատմամբ Թրամփը չի խոչընդոտի Ֆրանսիային՝ Իրանին բժշկական նյութեր մատակարարելու հարցում. TACC Իրանի Ազգային անվտանգության բարձրագույն խորհրդի ղեկավարը հայտնել է, որ Թրամփը կորոնավիրուսից ավելի վտանգավոր է. Tasnim ԱՄՆ պատժամիջոցները «տնտեսական եւ բժշկական» ահաբեկչություն են Խամենեին մերժել է կորոնավիրուսի դեմ ԱՄՆ-ի առաջարկած օգնությունը