Վարչապետի պաշտոնակատար․ Ամեն ինչ պետք է արվի զինված ուժերի է՛լ ավելի հզորացման համար

Զինված ուժերում սկսված բարեփոխումները պետք է շարունակվեն, և ամեն ինչ պետք է արվի հայկական զինված ուժերի շարունակական արդիականացման և բանակի է՛լ ավելի հզորացման համար: Այդ մասին հայտարարել է Հայաստանի վարչապետի պաշտոնակատար Կարեն Կարապետյանը՝ այսօր ընդունելով պաշտպանության նախարարի պաշտոնակատար Վիգեն Սարգսյանին:

Կարապետյանն ընդգծել է, որ բանակը եղել ու շարունակում է մնալ պետության մշտական հոգածության ներքո և գտնվելու է անձամբ իր ուշադրության կենտրոնում:

Կառավարության տեղեկատվության և հասարակայնության հետ կապերի վարչության փոխանցմամբ, Վիգեն Սարգսյանը զեկուցել է, որ զինված ուժերը շարունակում են մեծ պատասխանատվությամբ իրականացնել իրենց վերապահված գործառույթները՝ ապահովելով երկրի պաշտպանունակությունն ու անառիկ պահելով սահմանները:

Նախարարի պաշտոնակատարը վստահեցրել է, որ հայկական բանակն ունակ է դիմագրավելու հակառակորդի ցանկացած ոտնձգություն և հարկ եղած դեպքում արժանի հակահարված տալու:

Այս թեմայով Արամ Աբրահամյան. Արագ ընտրեք Նիկոլ Փաշինյանին վարչապետ ՀՀԿ-ականների տարօրինակ հարցերը եւ հասարակության արձագանքը Նիկոլ փաշինյանի հանդիպումը ՀՀԿ խմբակցության հետ (Տեսանյութ) Սա Մայդան չէ. NTV-ի անդրադարձը հայաստանյան իրադարձություններին (Տեսանյութ) Նիկոլ Փաշինյանը ՌԴ պատվիրակության հետ քննարկել է ՀԱՊԿ-ի եւ ԵԱՏՄ-ի հարցերը