«Հարգելի՛ Էրդողան, ձեր մեջքի հետևում խաղեր են խաղում». Փայլան
Թուրքիայի ընդդիմադիր Ժողովրդադեմոկրատական կուսակցության անդամ, խորհրդարանի՝ Ստամբուլից ընտրված պատգամավոր Կարո Փայլանը համոզված է, որ նախագահ Ռեջեփ Թայիփ Էրդողանի խորհրդականները երկրում տիրող իրավիճակի վերաբերյալ ճիշտը չեն ներկայացնում նախագահին, իսկ վաղաժամ նախագահական ու խորհրդարանական ընտրությունների պատրաստվողներն Էրդողանի մեջքի հետևում մութ գործեր են ձեռնարկում:
«Էրդողանին երկրի տնտեսության մասին ամեն ինչ հրաշալի են ներկայացնում, (տնտեսության գծով փոխվարչապետ) Մեհմեդ Շիմշեքի նմանները, որոնք զգուշացնում էին ճգնաժամի մասին, նսեմացվում էին: Այժմ էլ կուսակցության այն թևը, որը գիտակցում է, որ նման տնտեսական քաղաքականությամբ ևս 18 ամիս չեն ձգի, վաղաժամ ընտրությունների մասին կոչերը Դևլեթ Բահչելիի միջոցով է արտահայտում: Հարգելի՛ Էրդողան, ձեր մեջքի հետևում խաղեր են խաղում», - գրել է Փայլանը Twitter-ի իր պաշտոնական էջում:
Հիշեցնենք, որ նախօրեին թուրքական ազգայնական «Գորշ գայլեր» խմբավորման քաղաքական թևը համարվող «Ազգային շարժում» կուսակցության առաջնորդ Դևլեթ Բահչելին կոչ է արել երկրի իշխանություններին վաղաժամ նախագահական և խորհրդարանական ընտրություններ կազմակերպել այս տարվա օգոստոսի 26-ին:
Թուրքիայի փոխվարչապետ և կառավարության խոսնակ Բեքիր Բոզդաղը, անդրադառնալով Բահչելիի հայտարարությանը, չի բացառել իրադարձությունների նման ընթացքն ու նշել է, որ առաջարկը կարող է քննարկվել համապատասխան մարմիններում:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը