Ադրբեջանը չի ընդունում նախագահական ընտրությունների արդյունքները

Ադրբեջանի ընդդիմադիր ուժերը պահանջում են չեղարկել շաբաթասկզբին կայացած արտահերթ նախագահական ընտրությունները` կեղծիքների ու քաղաքական ճնշումների պատճառով:

Երեկ Բաքվում տեղի ունեցած բազմամարդ հանրահավաքին ընդդիմադիր «Մուսավաթ» կուսակցության առաջնորդն անցած ընտրությունները որակել է «քվեարկություն առանց ընտրության»:

«Արտահերթ քվեարկություն անցկացնելու պատճառն այդպես էլ հայտնի չդարձավ ո՛չ քարոզարշավից առաջ, ո՛չ դրա ընթացքում, ոչ հետո: Ժողովրդավարական ընտրությունների անցկացման որևէ պայման չպահպանվեց, 150 մարդ ազատազրկված է` քաղաքական հայացքների համար, մամուլն ու հեռուստատեսությունը` իշխանությունների հսկողության տակ», - հայտարարել է Արիֆ Հաջիլին:

Ժողովրդական ճակատի առաջնորդ Ալի Քերիմլին էլ պնդել է, թե գործող վարչակազմը ճնշումներ է բանեցրել նաև երեկվա հանրահավաքը խափանելու համար:

Ըստ նրա, կուսակցության ութ ներկայացուցիչներ նախօրեին վարչական կալանքի են դատապարտվել, հարյուրավոր ակտիվիստներ կանչվել ոստիկանություն:

Հանրահավաքի ավարտին ընդդիմադիրները համատեղ բանաձև են ընդունել, որտեղ նշվում է, որ շարունակելու են պայքարը, քանի դեռ Ադրբեջանում չեն անցկացվել ազատ ու արդար ընտրություններ:

Ադրբեջանի հիմնական ընդդիմադիր ուժերը բոյկոտել էին ապրիլի 11-ին կայացած նախագահական ընտրությունները, որոնց արդյունքներով, արդեն չորրորդ անգամ, հաղթել է Իլհամ Ալիևը` ստանալով ձայների 86 տոկոսը:

Միջազգային դիտորդները ևս քննադատել էին քվեարկության ընթացքը, պնդելով, թե այն ուղեկցվել է բազմաթիվ խախտումներով և անցել մրցակցության բացակայության պայմաններում:

Այս թեմայով Հայաստանի և Ադրբեջանի ԱԳ նախարարների հանդիպումը կկայանա փետրվարի 28-29-ը Բեռլինում. ԱԳՆ խոսնակ ԱՄՆ-ն «ձեռքերը լվացել է» Հայաստան-Ադրբեջան բանակցային գործընթացից. Արթուր Խաչատրյան Ալիևը պաշտոնական այցով ժամանել է Թուրքիա Ադրբեջանն ու Ղազախստանը համատեղ վարժանքներ կանցկացնեն «Ռոյթերզ». «Մոսկվան լարվածություն է բորբոքել հօգուտ Ադրբեջանի»