Ադրբեջանական ընդդիմադիր Real շարժումը կուսակցություն է դարձել

Ադրբեջանական ընդդիմադիր Real շարժումը կուսակցություն է դարձել: Turan-ի փոխանցմամբ, անցած հանգստյան օրերին տեղի է ունեցել կուսակցության հիմնադիր համագումարը, որն անցկացվել է առցանց ռեժիմով:

Սոցիալական ցանցերում ստեղծվել է հարթակ համագումարի պատվիրակների համար, որտեղ տեղի են ունեցել պատվիրակների գրանցումը եւ քննարկումները:

Իլգար Մամեդովն ընտրվել է կուսակցության նախագահ: Բացի այդ, ընտրվել են Մեջլիսի 40 անդամներ:

Ընդ որում, Real-ը մտադիր չէ դիմել Արդարադատության նախարարություն գրանցվելու համար:

Հիշեցնենք, որ Իլգար Մամեդովը կալանավորվել է Իսմայիլ քաղաքում 2013 թվականի հունվարին անկարգություններ կազմակերպելու մեղադրանքով: 2014-ին նա դատապարտվել է 7 տարվա ազատազրկման:

ՄԻԵԴ-ը 2014 թվականին հայտարարել է, որ Մամեդովը կալանավորվել է առանց ապացույցների, իսկ նրա բանտարկության հիմնական նպատակը եղել է պատժելը՝ կառավարությանն ուղղված քննադատության համար:

Բաքվի կողմից ՄԻԵԴ-ի որոշման կատարումից հրաժարվելուց հետո՝ Եվրոպայի խորհրդի Նախարարների կոմիտեն Կոնվենցիայի 4-րդ հոդվածի 46-րդ կետին համապատասխան (ՄԻԵԴ որոշումները կատարելու պարտավորություն) Ադրբեջանի դեմ սկսել է հատուկ գործընթաց եւ հարցը տեղափոխել է ՄԻԵԴ Մեծ պալատի քննությանը։ Եթե Մեծ պալատը Ադրբեջանին մեղավոր ճանաչի ՄԻԵԴ որոշումները չկատարելու մեջ, ապա Եվրոպայի խորհրդի Նախարարների կոմիտեն կդիտարկի Ադրբեջանի դեմ պատժամիջոցներ սահմանելու հարցը։

news.am