Վաշինգտոնը կզղջա, եթե դուրս գա 2015-ի միջուկային համաձայնագրից․ Հասան Ռոհանի

Իրանի նախագահը զգուշացրել է՝ Վաշինգտոնը կզղջա, եթե դուրս գա Թեհրանի և վեց գերտերությունների միջև 2015 թվականին ստորագրված համաձայնագրից, որով Իրանը խոստացել էր դադարեցնել միջուկային փորձարկումները արևմտյան պատժամիջոցները վերացնելու դիմաց:

«Մենք չենք լինի համաձայնագիրն առաջինը խախտողները, սակայն նրանք պետք է անպայման իմանան, որ կզղջան, եթե նման քայլի գնան», - հայտարարել է Հասան Ռոհանին ապրիլի 9-ին, երբ Իրանում նշվում է երկրի միջուկային տեխնոլոգիաների ազգային օրը:

«Մենք շատ ավելի լավ ենք պատրաստված, քան նրանք կարծում են, և եթե խախտեն համաձայնագիրը, մեկ շաբաթ էլ չանցած՝ կտեսնեն արդյունքը», - ասել է Իրանի նախագահը:

Միացյալ Նահանգների նախագահ Դոնալդ Թրամփը սպառնում է դուրս գալ իր նախորդի՝ Բարաք Օբամայի օրոք կնքված համաձայնագրից ու վերականգնել պատժամիջոցները Իրանի նկատմամբ, եթե մինչև մայիսի 12-ը չհաջողվի ուղղել այդ փաստաթղթի, իր բնորոշմամբ, աղետալի թերությունները:

Արձագանքելով այդ հայտարարություններին՝ Իրանի նախագահն ասել է. - «15 ամիս է անցել, ինչ Նահանգներում իշխանության եկած այդ ջենթլմենը պահանջներ է ներկայացնում, և նրա պահվածքում բազմաթիվ վերելքներ ու վայրէջքներ են արդեն գրանցվել»:

Այս թեմայով NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում Իրանում նախազգուշացրել են հնարավոր պատասխանի մասին, եթե Իսրայելը շարունակի հարձակումները Լիբանանի հարավում