Ադրբեջանում դադարեցվել է Fox-ի թուրքական ծառայության հեռարձակումը՝ Մեհրիբան Ալիևայի նոր պաշտոնը քննադատելու համար

Ադրբեջանում դադարեցվել է ամերիկյան Fox հեռուստաընկերության թուրքական ծառայության հեռարձակումն այն բանից հետո, երբ ալիքի եթերում թուրք հեռուստամեկնաբանն անդրադարձել է Ադրբեջանի նախագահ Իլհամ Ալիևի կողմից իր կնոջը՝ Մեհրիբան Ալիևային, երկրի փոխնախագահի պաշտոնում նշանակելու հրամանագրի ստորագրմանը:

Ինչպես հայտնում է ադրբեջանական Meydan TV-ն՝ Fox-ի թուրքալեզու ծառայությունն իր ռեպորտաժում մեջբերել էր թուրքական «Ջումհուրիյեթ» պարբերականի՝ «Ահա և կառավարման նախագահական համակարգի ադրբեջանական տեսակը» վերնագիրը: