Իրանին անհանգստացնում է Թիլերսոնի որոշումը

ԱՄՆ նախագահ Դոնալդ Թրամփի կողմից պետքարտուղար Ռեքս Թիլերսոնի հեռացումը ցույց է տալիս, որ նա պատրաստվում է Միացյալ Նահանգները դուրս բերել Իրանի հետ կնքված միջուկային համաձայնագրից, ասել է Իրանի արտգործնախարարի տեղակալը:

«ԱՄՆ-ը հաստատապես որոշել է լքել միջուկային համաձայնագիրը, և Պետդեպարտամենտում արված փոփոխության նպատակը դա էր, կամ էլ, ծայրահեղ դեպքում, նպատակներից մեկն էր դա», - հայտարարել է Աբաս Արաղչին։

Հիշեցնենք, ԱՄՆ նախագահը երկու օր առաջ անակնկալ պաշտոնանկ արեց պետքարտուղար Ռեքս Թիլերսոնին՝ հայտարարելով, որ նոր պետքարտուղարը կդառնա Կենտրոնական հետախուզական վարչության ղեկավար Մայք Փոմփեոն:

Դոնալդ Թրամփը կոշտ քննադատության է ենթարկում իր նախորդ Բարաք Օբամայի օրոք՝ 2015 թվականի հուլիսին Իրանի և գերտերությունների միջև կնքված համաձայնագիրը, որով պաշտոնական Թեհրանը պարտավորվել է սահմանափակել իր միջուկային ծրագրերը՝ միջազգային պատժամիջոցների վերացման դիմաց:

Այս թեմայով Իրանն ու Օմանը քննարկում են Օրմուզի նեղուցը ճգնաժամից դուրս բերելու ուղիները NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում