Էրդողանը սպառնում է մտնել Աֆրին և հասնել մինչև Մանբիջ, որտեղ ամերիկյան զորքեր կան

Նախագահ Ռեջեփ Թայիփ Էրդողանը հայտարարել է, թե Թուրքիայի զինուժը կարող է ցանկացած պահի մտնել Սիրիայի հյուսիսային՝ հիմնականում քրդերով բնակեցված Աֆրինի շրջան:

«Մեր զորքերն այժմ շրջապատել են այդ տարածքը, և ցանկացած պահի կարող ենք ներխուժել», - հայտարարել է Էրդողանը:

Չնայած Արևմուտքի ու ՆԱՏՕ-ում Թուրքիայի դաշնակից Միացյալ Նահանգների քննադատությանը՝ Էրդողանը նաև պնդել է, որ Անկարան ոչ միայն շարունակելու է շաբաթներ առաջ սկսված այս ռազմական գործողությունը, այլև ընդարձակելու է այն մինչև Իրաքի սահման:

«Այսօր մենք Աֆրինում ենք, վաղը կլինենք Մանբիջում, որպեսզի մաքրենք ահաբեկիչներին», -ասել է նա՝ իշխող կուսակցության հետ հանդիպման ժամանակ:

Ի տարբերություն Աֆրինի, Մանբիջում նաև ամերիկյան զորքեր են տեղակայված, որոնք պնդում են, թե թուրքական բանակի հարձակման դեպքում կարող են հակահարված տալ:

azatutyun.am

Այս թեմայով Թուրքիայում 5,5 մագնիտուդ ուժգնությամբ երկրաշարժ է տեղի ունեցել Թուրքիա–Հունաստան սահմանին զինված բախում է տեղի ունեցել Էրդողանը Իտալիայի վարչապետին ծխելը թողնելու կոչ է արել Թուրքիան կշարունակի նպաստել ուկրաինական հակամարտության կարգավորմանը. Էրդողան Թուրքիայի և Հայաստանի հարաբերությունների կարգավորման գործընթացն ընթանում է ըստ պլանի․ Էրդողան