Վրաստանն ամեն բան կանի ԵՄ-ի հետ ազատ վիզային ռեժիմը պահպանելու համար

Վրաստանի նախագահ Գիորգի Մարգվելաշվիլին ասել է, որ Թբիլիսին պատրաստ է անհրաժեշտ քայլերի դիմել Շենգենի գոտու հետ մեծ ջանքերի շնորհիվ ձեռք բերված ազատ վիզային ռեժիմը պահպանելու համար:

Այդ հայտարարությամբ Մարգվելաշվիլին հանդես է եկել Եվրոպական խորհրդի նախագահ Դոնալդ Տուսկի հետ Բրյուսելում տեղի հանդիպումից հետո:

Եվրամիության ներքին գործերի նախարարները մարտի 8-ին մտահոգություն են հայտնել Վրաստանի քաղաքացիների կողմից ազատ վիզային ռեժիմը չարաշահելու կապակցությամբ:

Գերմանիան և Շվեդիան հաղորդել են, որ 2017 թվականի մարտից ի վեր, երբ ուժի մեջ է մտել ազատ վիզային ռեժիմը, Վրաստանի հարյուրավոր քաղաքացիներ ապաստանի դիմումներ են ներկայացրել:

Շվեդիայում վրացիները ապաստանի դիմում ներկայացրած մարդկանց ցանկում առաջին տեղում են:

Շվեդիայի ներքին գործերի նախարար Մորգան Յոհանսոնն ասել է, որ Վրաստանի մեծ թվով քաղաքացիներ անդամակցել են միջազգային քրեական խմբերին, որոնք գողություններ և այլ կարգի հանցագործություններ են կատարում:

Եվրամիության մի անանուն դիվանագետ ասել է, որ Եվրամիության ներքին գործերի կառույցները ցանկանում են առավել սերտ համագործակցել Վրաստանի ոստիկանության հետ:

Եվրամիության պաշտոնյաները Բրյուսելում իրենց մտահոգությունները փոխանցել են Վրաստանի նախագահ Մարգվելաշվիլիին:

azatutyun.am

Այս թեմայով Սահակաշվիլիի կողմնակիցները Իվանիշվիլիից պահանջել են ծնկի գալ եւ ներում հայցել Թբիլիսիում ցուցարարները փորձել են ներխուժել խորհրդարան, իրավիճակը լարված է (տեսանյութ) Վրաստանում պետությունը կշարունակի օգնել փոքր ու միջին հյուրանոցներին Վրաստանը չի կարող բացել սահմանը Հայաստանից զբոսաշրջիկների համար Վրաստանում հաստատվել է կորոնավիրուսով վարակման 2 դեպք