Իրանը հայտարարել է, որ «Դամասկոսի արվարձաններում պայքարն ահաբեկիչների դեմ կշարունակվի»

Իրանը հայտարարել է, որ «Դամասկոսի արվարձաններում պայքարն ահաբեկիչների դեմ կշարունակվի, սակայն Թեհրանը և Սիրիայի կառավարությունը հարգելու են ՄԱԿ-ի միջնորդությամբ հայտարարված 30-օրյա հրադադարը»:

Իրանի զինված ուժերի գլխավոր շտաբի պետ գեներալ Մոհամադ Բաղերին այսօր ասել է, որ Դամասկոսի արվարձանների մի մասը գտնվում է ահաբեկիչների հսկողության տակ և ներառված չէ հրադադարի պայմանագում, հետևաբար, այնտեղ ռազմական գործողությունը կշարունակվի:

Ականատեսների և դիտորդների փոխանցմամբ, Դամասկոսի արվարձաններում իրավիճակը որոշակիորեն կայունացել է հրադադարի հաստատման մասին ՄԱԿ-ի Անվտանգության խորհրդի ընդունած բանաձևից հետո:

Մինչդեռ, ըստ Բրիտանիայում տեղակայված մարդու իրավունքների պաշտպանության սիրիական դիտորդական առաքելության, նախագահ Բաշար ալ-Ասադի բանակը շարունակել է ընդդիմության հսկողության տակ գտնվող Գուտայի ռմբահարումները:

Ենթադրվում է, որ այսօր Ֆրանսիայի նախագահ Էմանյուել Մակրոնը և Գերմանիայի կանցլեր Անգելա Մերկելը Սիրիայում հրադադարի հարցը կքննարկեն Ռուսաստանի նախագահ Վլադիմիր Պուտինի հետ:

azatutyun.am

Այս թեմայով Իրանն ու Օմանը քննարկում են Օրմուզի նեղուցը ճգնաժամից դուրս բերելու ուղիները NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում