Իլհամ Ալիեւը պատրաստվում է իշխանությունը հանձնել կնոջը՝ Մեհրիբանին

Ադրբեջանի նախագահ Իլհամ Ալիեւը իր կնոջը՝ Մեհրիբան Ալիեւային նշանակել է երկրի առաջին փոխնախագահի պաշտոնում։ Համապատասխան հրամանը հրապարակվել է երկրի ղեկավարի կայքէջում։

«Մեհրիբան Արիֆ գիզի Ալիեւային նշանակել Ադրբեջանի Հանրապետության առաջին փոխնախագահ»,– ասվում է փաստաթղթում։

Ադրբեջանի սահմանադրության համաձայն՝ առաջին փոխնախագահ կարող է լինել երկրի ցանկացած լիիրավ քաղաքացի, ով այլ երկրների առջեւ չունի պարտավորություններ եւ ունի բարձրագույն կրթություն։ Ադրբեջանի նախագահի լիազորությունների արտահերթ դադարեցման դեպքում, նախագահի պարտականությունները, մինչեւ հաջորդ ընտրությունները, ստանձնում է երկրի առաջին փոխնախագահը։

Ադրբեջանի առաջին տիկինը 52 տարեկան է, Իլհամ Ալեւի հետ նա ամուսնացել է 1983 թվականին։

Մինչեւ փոխնախագահի պաշտոնում նշանակվելը, Ալիեւի տիկինը գլխավորել է Հեյդար Ալիեւի հիմնադրամը եւ Ադրբեջանի մշակույթի հիմնադրամը։ 2005, 2010 եւ 2015 թվականներին նա հաղթանակ է տարել խորհրդարանական ընտրություններում՝ «Յենի Ազերբայջան» իշխող կուսակցությունից։ 2004 թվականից նա կուսակցության քաղաքական խորհրդի անդամ է հանդիսանում, իսկ 2013-ից՝ նախագահի՝ որը հենց Իլհամ Ալիեւն է, տեղակալ։

Top-News.am

Այս թեմայով Ալիեւը հանդիպել է մահմեդական երկրների դեսպանների հետ Ալիեւը բացատրել է իր կնոջ նշանակումը փոխնախագահի պաշտոնում Իլհամ Ալիեւը հրաժարվել է հանդիպել Եվրախորհրդարանի նախագահի հետ Մեհրիբան Ալիեւային տեսնում են նախագահի պաշտոնում. Իլհամը հիվա՞նդ է