Լրատվամիջոց․ Ադրբեջանում սեքս չկա՞
Ինչպես գիտեք՝ ԽՍՀՄ-ում սեքս չկար։ Իսկ եթե ԽՍՀՄ-ում չկար, ինչո՞ւ պետք է Ադրբեջանում լինի, հետաքրքրվում է ադրբեջանական minval.az գործակալությունը։
«Չեմ հիշում, թե մեծերից ով էր ասել «Ում ինչ գործն է, թե կինն ո ւ ամուսինն ինչ են անում ննջարանում»։ Ավելի ճիշտ կլիներ ասել՝ դա ոչ մեկին չի վերաբերում, բացի ադրբեջանական մաքսատան աշխատակիցներից, քանի որ ինչպես պարզվել է, ինտիմ բնույթի ոչ մի ապրանք երկիր ներմուծել չի կարելի, ու խստաբարո մաքսային աշխատողները, ըստ երեւույթին, փորձում են այս ձեւով պահպանել ադրբեջանցիների բարոյականությունը։
Այս նուրբ թեման, որը առաջին հայացքից անկարեւոր ու բավականին խորթ է թվում Ադրբեջանի նման «ճիշտ» երկրի համար, այսօր կքննարկենք «երկակի ստանդարտների» պրիզմայով, որն այնքան սիրում են օգտագործել Ադրբեջանում ցանկացած պատեհ ու անպատեհ առիթով», գրում է հոդվածագիրը։
«Չէ՞ որ մեր երկրում սեքսը դիտարկվում է միայն վերարտադրության տեսակետից, ոչ ավելին։ Իսկ եթե դու սեքսուալ հարաբերությունների հարցում թեկուզ փոքր ինչ երեւակայություն ունես, ուրեմն դա «հարամ» է։ Այդ մասին է հերթական անգամ վկայում եվրոպական երկրների անսպասելի վարկանիշը, որը կազմել է Vouchercloud ծառայությունը, այդ վարկանիշում հայտնվել է նաեւ Ադրբեջանը։ Գնահատվել է համացանցում «սեքսուալ խաղալիքներ» թեմայով հարցումների քանակը, եւ Ադրբեջանն այս վարկանիշում վերջին տեղն է զբաղեցրել։ Metro պարբերականի հոդվածագիրը իր ընթերցողներին խորհուրդ է տալիս ՝ եթե Ադրբեջան մեկնեք մոտ ժամանակներս, ձեզ հետ հանկարծ «մեծահասակների համար խաղալիքներ» չտանեք։ Ճիշտ խորհուրդ է, չտանե՛ք, թե չէ մաքսատանը կառգրավեն։ Չնայած Ադրբեջանում ինտիմ ապրանքների ներմուծման պաշտոնական արգելք չկա»,- գրում է լրագրողը։
«Եթե նույնիսկ դուք համացանցով եք նման ապրանք պատվիրում, ուրեմն անձամբ պետք է գնաք մաքսատուն ու ստանաք այն։ Ստացվում է անհեթեթ վիճակ՝ գալիս ես մաքսատուն, ու այնտեղ քեզ հարցաքննում են՝ ինչու ես պատվիրել այդ ապրանքը, ինչիդ է պետք եւ այլն։ Մինչդեռ դա ուղիղ միջամտություն է մարդու անձնական կյանքին։ Ինչպես հասկանում ենք, խոսքն ամենեւին էլ մենտալիտետի մասին չէ, այլ նրա, որ ապրանքը ստանալու պրոցեդուրան գիտակցաբար գռեհկացնում են։ Համաձայնեք, որ ոչ ոք ցանկություն չունի բացատրություններ տալու իր գնումների մասին։ Սեքս խաղալիքների ձեռքբերման հարցով մաքսատուն կանչելը,համաձայնեք, արդեն մարդու իրավունքների խախտում է, այսպես կոչված խտրականություն։ Մենք ունենք սահմանադրություն, այլ ոչ թե շարիաթի օրենքներ , դրա համար էլ երկակի ստանդարտները այս հարցում տեղին չեն»,- շեշտում է հոդվածագիրը։
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը