Թրամփը մտադիր է 1 ամսով դադարեցնել այցագրերի տրամադրումը մի շարք մուսուլմանական երկրների քաղաքացիներին

Ամերիկյան Associated Press լրատվական գործակալության ունեցած տեղեկությունների համաձայն՝ ԱՄՆ նախագահ Դոնալդ Թրամփը մտադիր է առնվազն 1 ամսով կասեցնել այցագրերի տրամադրումը մեծ մասամբ մուսուլմանական բնակչություն ունեցող 7 երկրի քաղաքացիներին:

Գործակալությունը մանրամասնում է, որ խոսքը վերաբերում է Իրանին, Իրաքին, Լիբիային, Սոմալիին, Սուդանին, Սիրիային և Եմենին:

Associated Press-ի խմբագրության մոտ հայտնված փաստաթղթում ասվում է, որ Թրամփը պատրաստվում է արգելք սահմանել սիրիացի փախստականների մուտքի իրավունքի համար, ինչպես նաև 120 օրով կասեցնել Միացյալ Նահանգների փախստականների օգնության ծրագրի աշխատանքը:

Ակնկալվում է, որ 70-ամյա հանրապետականը համապատասխան հրամանագիրը կստորագրի այս շաբաթ:

tert.am

Այս թեմայով Թրամփը Կոնգրեսի թույլտվությունը պարտադիր չի  համարում ամերիկացիներին 5000-ական դոլար վճարելու համար Թրամփը հայտարարել է, որ չի զղջում Իրանի դեմ պատերազմի համար Թրամփը հանձնարարել է կրճատել Հարավային Կորեայի հետ համատեղ զորավարժությունները Թրամփը ծրագրային ելույթ կունենա Տեխասում կայանալիք Հանրապետականների համագումարում․ AP Ուիթքոֆ․ Թրամփը Ադրբեջանի և Հայաստանի միջև հակամարտությունը վերածել է խաղաղության հաստատման օրինակելի մոդելի