ԱՄՆ-ը եւ Ռուսաստանը կպահպանեն միջուկային զինանոցի սահմանափակման համաձայնագիրը

Ամերիկայի Միացյալ Նահանգները և Ռուսաստանը հայտարարել են, որ կատարում են երկու երկրների միջուկային զինանոցները սահմանափակող 2010 թվականի համաձայնագիրը։

Այս համաձայնագրին հավատարիմ մնալը և այն պահպանելը հաստատելու վերջնաժամկետ էր սահմանված փետրվարի 5-ը։ Փաստաթուղթը սահմանափակում է յուրաքանչյուր կողմի ռազմավարական միջուկային մարտագլխիկների թիվը մինչև 1,550, իսկ տեղակայված միջմայրցամաքային բալիստիկ հրթիռներինը և ռազմավարական ռմբակոծիչներինը՝ մինչև 700:

ԱՄՆ Պետդեպարտամենտը երեկ հայտարարել է, որ Վաշինգտոնը կատարել է իր պարտավորությունները։ Պայմանագրին հավատարիմ մնալը «ծայրահեղ կարևոր է այն ժամանակ, երբ [երկու երկրների միջև] վստահությունը նվազել է, իսկ հաշվարկներում սխալվելու և թյուրըմբռնման վտանգը՝ ավելացել», - հայտարարել է Միացյալ Նահանգների արտաքին քաղաքական գերատեսչության խոսնակ Հիթեր Նաուերթը։

Այս թեմայով Լավրովն ԱՄՆ-ին մեղադրել է միջազգային իրավունքի վրա «խաչ քաշելու» փորձի մեջ Ամերիկյան սենատորները ՌԴ-ի դեմ խիստ պատժամիջոցների մասին օրենսդրական նախագիծ կներկայացնեն ԱՄՆ-ն հարյուր միլիոնավոր դոլարների ռուսական ակտիվներ է արգելափակել Թրամփը նշել է ՌԴ-ի նկատմամբ սահմանված պատժամիջոցների չեղարկման պայմանը Թրամփը խոսել է Պուտինի հետ հանդիպման կարևորության մասին