Արտակարգ վայրէջք Սոֆիայում

Թել Ավիվից Վիեննա թռչող Austrian Airlines Airbus A320-ը կիրակի՝ հոկտեմբերի 18-ի երեկոյան, արտակարգ վայրէջք է կատարել Սոֆիայում։ Ավիաընկերությունը ավստրիական APA լրատվական գործակալությանը հաստատել է ռումբի մասին՝ սպառնալիքի լուրը՝ նշելով, որ «ինքնաթիռը ստուգվում է»։ Օդանավում եղել է 51 ուղևոր և անձնակազմի վեց անդամ։

Flightradar24-ի տվյալներով՝ ինքնաթիռը թռչում էր իր սովորական երթուղով, երբ կտրուկ շրջադարձ է կատարել և վայրէջք կատարել Սոֆիայում։ Երեք ժամ անց այն թռել է Վիեննա՝ այնտեղ ժամանելով հոկտեմբերի 19-ի գիշերը։

Լրատվամիջոցների, այդ թվում՝ բրիտանական Sky News հեռուստաալիքի հաղորդագրությունների համաձայն՝ «ռումբի սպառնալիք» է ստացվել, երբ ինքնաթիռը թռչում էր Բուլղարիայի վրայով։

Բուլղարիայի իշխանությունները հեռուստաալիքին հայտնել են, որ ինքնաթիռին Սոֆիայում վայրէջք կատարելուց առաջ ուղեկցել է Բուլղարիայի ռազմաօդային ուժերի կործանիչը։ Բոլոր ուղևորներն իջել են օդանավակայանում։