Միգրանտներ տեղափոխող նավի խորտակման հետևանքով զոհվել է առնվազն 109 մարդ
Աֆրիկայի հյուսիս-արևելքում գտնվող Ջիբութիի ափերի մոտ միգրանտներ տեղափոխող նավի խորտակման հետևանքով զոհվել է առնվազն 109 մարդ, այդ թվում՝ 15 երեխա։ Տասնյակ մարդիկ անհետ կորած են համարվում, հայտնել են Միգրացիայի միջազգային կազմակերպությունից, գրում է BBC-ին։
Կազմակերպության տվյալներով՝ մոտ 350 ուղևոր տեղափոխող նավը Ջիբութիից ուղևորվում էր Եմեն, սակայն հինգշաբթի գիշերը շրջվել է Օբոկ նավահանգստային քաղաքի մերձակայքում։ Մոտ 80 մարդու կյանք հաջողվել է փրկել։
Միգրացիայի միջազգային կազմակերպության տվյալներով՝ Ջիբութիում առաքելության ղեկավար Ալեքսանդր Կուասակը կատարվածը որակել է որպես ցավալի հիշեցում այն վտանգների մասին, որոնց միգրանտները բախվում են՝ «ավելի լավ կյանք որոնելիս»։
Կազմակերպության հրապարակած տվյալների համաձայն՝ հայտնաբերված զոհերի թվում եղել են 52 տղամարդ, 42 կին, ինը աղջիկ և վեց տղա։
«Սա մարդկային կյանքերի ցավալի կորուստ է»,-նշել է Կուասակը՝ ցավակցություն հայտնելով զոհվածների հարազատներին և մտահոգություն հայտնելով անհետ կորածների ճակատագրի վերաբերյալ։
Տեղական իշխանությունները կազմակերպում են զոհվածների հուղարկավորությունը։ Փրկվածներին, որոնք բոլորը Եթովպիայի քաղաքացիներ են, ցուցաբերվում է անհրաժեշտ բժշկական օգնություն։
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Օլեշկիից տարհանված ուկրաինացիները Ուկրաինայում են