Էրդողանն ասել է, որ գրոհը համաձայնեցված է եղել Մոսկվայի հետ

Թուրքիայի նախագահ Ռեջեփ Թայիփ Էրդողանը հայտարարել է, որ Սիրիայի քրդաբնակ Աֆրին քաղաքում թուրքական բանակի կողմից իրականացված ռազմական գործողությունը համաձայնեցվել է ռուսաստանյան կողմի հետ, տեղեկացնում է Anadolu գործակալությունը:

Էրդողանն ասել է, թե Անկարան իրենց մտադրության մասին հայտնել են նաեւ ԱՄՆ-ին: 

«Որեւէ մեկը չի կարող երաշխավորել, որ Աֆրինի մատույցներից արձակված արկերը վաղը չեն ընկնելու եվրոպական կամ ամերիկյան քաղաքներում: Սա ահաբեկչության առանձնահատկությունն է: Թուրքիան կարող է հաղթել այս պայքարում»,- ասել է Էրդողանը, որն ահաբեկիչ է համարում իրենց ինքնապաշտպանությամբ զբաղվող քրդերին:

Ռուսաստանն արդեն իսկ հայտարարել է, որ Թուրքիան ստիպված է դիմել այդ քայլին՝ զայրացած ամերիկյան գործողություններով:

Top-News.am

Այս թեմայով Քրդերը թուրքերից հետ են վերցրել Ռաս էլ Այն քաղաքը Թուրքիան Սիրիայի հարցով գագաթնաժողով է կազմակերպում Պուտինն ու Էրդողանը հեռախոսով քննարկել են ոչ թե Արցախի, այլ Սիրիայի հարցը Թուրքական բանակը լուրջ կորուստներ է ունեցել Սիրիայի հյուսիսում Թուրքական գրոհից հետո Սիրիայի քրդերը հայտարարել են զոհերի մասին