Ադրբեջանի հարկային նախարարության ավելի քան 60 աշխատակից ազատվել է աշխատանքից

Ադրբեջանի հարկային նախարարությունում զբաղեցրած պաշտոններից ազատվել է 64 աշխատակից, հայտնում է «Թրենդ» գործակալությունը՝ վկայակոչելով գերատեսչությանը:

Ինչպես հայտնել են նախարարությունում, նրանց թվում են նախարարի խորհրդականներ, կառուցվածքային ստորաբաժանումների ղեկավարներ և այլ պաշտոնատար անձինք:

«Հարկային նախարարությունում կադրային և կառուցվածքային բարեփոխումներ են սկսվել՝ հարկային վարչարարության արդիականացման, նոր մարտահրավերներին համապատասխան հարկային համակարգի ձևավորման և վարչարարության ճկուն մեխանիզմներ սահմանելու նպատակով»,- հայտնել են նախարարությունում:

Նախարարության կառուցվածքի վերակազմակերպման նպատակը միևնույն ժամանակ գործարար և ներդրումային միջավայրի բարելավումն է, բիզնեսի համար խոչընդոտների վերացումը, ինչպես նաև հարկատուների կողմից իրենց պարտավորությունների կատարման ապահովումը:

Այս թեմայով Հայաստանի և Ադրբեջանի ԱԳ նախարարների հանդիպումը կկայանա փետրվարի 28-29-ը Բեռլինում. ԱԳՆ խոսնակ ԱՄՆ-ն «ձեռքերը լվացել է» Հայաստան-Ադրբեջան բանակցային գործընթացից. Արթուր Խաչատրյան Ալիևը պաշտոնական այցով ժամանել է Թուրքիա Ադրբեջանն ու Ղազախստանը համատեղ վարժանքներ կանցկացնեն «Ռոյթերզ». «Մոսկվան լարվածություն է բորբոքել հօգուտ Ադրբեջանի»