«Սա մեծ ամոթ է Թուրքիայի համար». Կարո Փայլան
Թուրքիայի ընդդիմադիր Ժողովրդադեմոկրատական կուսակցության անդամ, խորհրդարանի հայազգի պատգամավոր Կարո Փայլանն անդրադարձել է ԱՄՆ-ում ձերբակալված Թուրքիայի քաղաքացի, իրանական ծագմամբ խոշոր գործարար Ռըզա Սարաֆին, որի դեմ բացված դատական գործի շրջանակում շոշափվել են նաև Թուրքիայի իշխանական շրջանակներում փողերի լվացման մի շարք փաստեր, հայտնում է Deutsche Welle հեռուստառադիոընկերության թուրքական ծառայությունը:
Փայլանը հայտարարել է, որ նման դատավարության անցկացումը մեծ ամոթ է Թուրքիայի համար, և եթե դատարանի որոշմամբ Թուրքիան տույժերի ենթարկվի՝ դրանք պետք է վճարի իշխանությունը, ոչ թե հասարակ ժողովուրդը:
«Թուրքիայի իշխանությունների հետ կապված լուրջ մեղադրանքներ կան, ու չնայած այդ ամենին՝ այստեղ փորձում են կոծկել այդ դատավարության մանրամասները, սա մեծ ամոթ է Թուրքիայի համար», - ասել է Փայլանը:
Ըստ նրա՝ թուրքական հասարակության բոլոր շերտերը պետք է առավել համարձակ խոսեն այս իրադարձությունների մասին և հնարավորություն չտան իշխանություններին մոռացնելու փողերի լվացման մասին աղմկահարույց սկանդալը:
Նշենք, որ հայտնի գործարարն ԱՄՆ-ում մեղադրվում է ամերիկյան պատժամիջոցներն արհամարհելով Իրանի տնտեսության զարգացմանն աջակցելու փորձերի, ինչպես նաև «կեղտոտ փողերի լվացման» համար անօրինական հիմնադրամների ստեղծման համար: Նրա հետ միասին նույն գործի շրջանակում մեղադրանք է առաջադրված Թուրքիայի էկոնոմիկայի նախկին նախարար Զաֆեր Չաղլայանին:
Սարաֆն առաջին իսկ դատական լսման ընթացքում հայտնել էր, որ իրենք Թուրքիայից Իրան են արտահանել ոսկի և սննդամթերք՝ հաճախ որպես միջանցիկ տարածք օգտագործելով Դուբայի շուկան: Նախօրեին կայացած երկրորդ դատական նիստի ժամանակ Սարաֆը հայտարարել է, որ Իրանի հետ կապված բոլոր գործարքների մասին հրամաններն ինքը ստացել է անձամբ Էրդողանից, որն այդ ժամանակ զբաղեցնում էր երկրի վարչապետի պաշտոնը:
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Եվրահանձնաժողովն իր աջակցությունն է հայտնել Լեհաստանի վարչապետին
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Կասեցվել է «Պանիր Լոռի» և «Կաթի սեր» արտադրատեսակների արտադրությունը