ԱՄՆ-ն մտադիր է փոփոխել Իրանի հետ միջուկային ծրագիրը. Թիլերսոն

ԱՄՆ վարչակազմը մտադիր է իրականացնել նախագահ Դոնալդ Թրամփի խոստումը եւ փոփոխություններ կատարել Իրանի միջուկային ծրագրի շուրջ Գործողությունների համատեղ համապարփակ ծրագրում։ Այս մասին հայտարարել է Պետքարտուղար Ռեքս Թիլերսոնը Associated Press-ին տված հարցազրույցում:

«Նախագահն ասել է, որ պատրաստվում է կա՛մ փոխել այն, կա՛մ չեղարկել»,-հայտարարել է ամերիկյան դիվանագետը: «Հիմա մենք փորձում ենք կատարել նախագահի տված խոստումը»:

Թիլերսոնը բացատրել է, որ Թրամփի վարչակազմը Կոնգրեսի հիմնական անդամների հետ աշխատում է օրենսդրական հարցերի շուրջ, որպեսզի ԱՄՆ-ն դուրս գա իրանական միջուկային ծրագրի համաձայնագրից: Պետքարտուղարը նշել է, որ երկրի օրենսդրության մեջ համապատասխան փոփոխությունները կարող են կատարվել հաջորդ շաբաթ։

Նա ընդգծել է, որ ԱՄՆ նախագահի վարչակազմի ներկայացուցիչները «շատ ակտիվ» խորհրդակցություններ են վարում Կոնգրեսի ղեկավարության հետ` համաձայնագրի փոփոխման համար: Սակայն Պետդեպարտամենտի ղեկավարը նշել է, որ չի ցանկանում իրադարձություններից առաջ անցնել:

news.am

Այս թեմայով Իրանն ու Օմանը քննարկում են Օրմուզի նեղուցը ճգնաժամից դուրս բերելու ուղիները NY Post. Իրանը դեռևս մուտք չի ստացել Կատարում գտնվող իր 6 միլիարդ դոլարի ակտիվներին Իրանական պատվիրակությունը Դոհայում բանակցություններ կանցկացնի Կատարի, այլ ոչ թե ԱՄՆ-ի հետ. Բաղաեի Սկզբունքորեն ես այլ կարծիք եմ ունեցել․ Մոջթաբա Խամենեին ԱՄՆ-ի հետ խաղաղության համաձայնության մասին Փեզեշքիանը բարձր է գնահատել Կատարի դերը ԱՄՆ-ի հետ համաձայնության հասնելու գործում