Ձերբակալվել է Ադրբեջանի պաշտպանության նախկին նախարարը
Ադրբեջանում դեկտեմբերի 25-ի ցերեկը ձերբակալվել է պաշտպանության նախկին նախարար Ռահիմ Ղազիևը, այս մասին գրում է minval.az-ը՝ հղում անելով «Ամերիկայի ձայնի» ադրբեջանական ծառայությանը:
Ղազիևի ձերբակալության մասին հայտնել է նրա եղբայրը՝ Ռահաբ Ղազիևը: Վերջինս նշել է, որ նրան դեռևս չեն հայտնել եղբոր ձերբակալության պատճառը։ Ռահաբ Ղազիևը ձերբակալության մասին զանգը ստանալուց հետո շտապել է ոստիկանական բաժանմունք, սակայն նրան ասել են, որ գա դեկտեմբերի 26-ի առավոտյան:
Ադրբեջանի իրավապահ մարմինները դեռ չեն տարածել նախկին նախարարի ձերբակալության մասին հաղորդագրություն:
Ղազիևն Ադրբեջանի պաշտպանության նախարարն է եղել 1992-1993 թվականներին և մեղադրվել է ադրբեջանական դատարանի կողմից Արցախի Շուշի քաղաքը «թշնամուն հանձնելու» համար, ինչը որակվել է որպես պատերազմական հանցանք: Ղազիևին դատապարտել էին մահապատժի, ավելի ուշ վճիռը փոխարինվել է ցմահ ազատազրկմամբ: 2005 թվականին նախկին նախարարը համաներման է արժանացել:
Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Տավուշում ոչ մի գազատար չի կառուցվել, նման գործընթաց չկա. մարզպետ
Ուկրաինացի բժիշկները ռազմագերիների վիրահատություններ են կատարել առանց անզգայացման
Հանդիպել են գերությունից վերադարձած Վագիֆ Խաչատրյանը և Գևորգ Սուջյանը
Հայ-վրացական գազատարը Հայաստանի խնդրանքով կտեղափոխվի
2026-ը կարևոր տարի է 6G և խելացի համակարգերի համար
Ռուսաստանում առաջարկել են ընդլայնել ռազմական գործողությունների գոտին՝ ներառելով ՆԱՏՕ-ի երկրները
Ազգային ժողովը շարունակում է իր քառօրյա նիստերի աշխատանքը (տեսանյութ)
Իրանում պատերազմը Հնդկաստանին կանգնեցրել է գազային ճգնաժամի առաջ
Պուտինն ապրիլի 1-ից արգելել է Ռուսաստանից դեպի ԵԱՏՄ երկրներ 100 հազար դոլարից ավելի կանխիկ գումարի ա...