Իրանական ուժերը «սպասում են» ԱՄՆ-ի ցամաքային ներխուժմանը․ Իրանի խորհրդարանի խոսնակ

Իրանի խորհրդարանի խոսնակ Մոհամմադ Բաղեր Ղալիբաֆը հայտարարել է, որ երկրի զինված ուժերը «սպասում են» ամերիկյան զորքերին՝ մեղադրելով ԱՄՆ-ին գաղտնի ցամաքային ներխուժում նախապատրաստելու մեջ՝ միաժամանակ բանակցությունների մասին խոսելու պայմաններում, գրում է BBC-ին։

Նրա խոսքով՝ Վաշինգտոնը փորձում է դիվանագիտական ճանապարհով հասնել այն նպատակներին, որոնք չի կարողացել իրականացնել ռազմական գործողությունների ընթացքում։ Ղալիբաֆը շեշտել է, որ Իրանի զինվորները պատրաստ են դիմակայել ցանկացած ցամաքային գործողության և «պատժել» տարածաշրջանում ԱՄՆ դաշնակիցներին։ Խոսնակը նաև ընդգծել է, որ Իրանը չի ընդունի որևէ պարտադրանք կամ «նվաստացում», և երկրի դիրքորոշումը մնում է կոշտ՝ նույնիսկ բանակցությունների հնարավորության պարագայում։

Այս հայտարարությունները հնչում են Իրանի և Իսրայելի միջև լարվածության խորացման, ինչպես նաև ԱՄՆ-ի ներգրավվածության ֆոնին։ Պակիստանում այսօր քննարկումներ են ընթանում Թուրքիայի, Եգիպտոսի և Սաուդյան Արաբիայի արտաքին գործերի նախարարների միջև՝ պատերազմի լարվածությունը թուլացնելու նպատակով։

Միևնույն ժամանակ, ԱՄՆ կենտրոնական հրամանատարության տվյալներով՝ Մերձավոր Արևելք է ժամանել USS Tripoli-ն, որը տեղափոխում է 3500 ամերիկացի զինծառայողի, մինչ Պենտագոնը կշռադատում է իր հաջորդ քայլերը։

Այս թեմայով «Կցանկանա՞ք կրկին փորձել ձեր բախտը»․ Իրանի ԱԳ նախարարը պատասխանել է Թրամփի սպառնալիքին ԱՄՆ-ն և Իրանը համաձայնության են եկել հրադադարի շուրջ Իրանի ԱԳՆ-ն պատժամիջոցների խստացման ԱՄՆ քաղաքականությունն անվանել է վտանգավոր «կախվածություն» ԱՄՆ-ի օդային հարվածների հետևանքով զոհվել է Իսլամական հեղափոխության պահապանների կորպուսի ութ զինծառայող Դոհայում ավարտվել են ԱՄՆ-ի և Իրանի միջնորդավորված բանակցությունները