«Նախորդ անգամ, երբ դուք ցանկացաք «ավարտել սկսածը», Իրանը դրանից դուրս եկավ էլ ավելի ուժեղ։ Կցանկանա՞ք կրկին փորձել ձեր բախտը։ Խնդրեմ։ Բայց զգույշ եղեք․ մենք էլ ունենք անավարտ գործեր», — գրել է Արաղչին X սոցիալական ցանցում։

Իրանի արտաքին քաղաքական գերատեսչության ղեկավարի կարծիքով, Նեթանյահուն ԱՄՆ-ին մղում է դեպի նոր ռազմական հակամարտություն՝ բանտարկությունից խուսափելու համար՝ հաշվի չառնելով Իսրայելի և ԱՄՆ նախագահ Դոնալդ Թրամփի համար հնարավոր հետևանքները։

«Նեթանյահուն Ամերիկան ներքաշում է հերթական պատերազմի մեջ, որպեսզի ինքը խուսափի բանտից՝ անկախ այն բանից, թե ինչ հետևանքներ դա կունենա Իսրայելի համար, էլ չասած ԱՄՆ նախագահի մասին», — հայտարարել է Արաղչին։

Հայտարարությունը հնչել է ի պատասխան Իրանի վերաբերյալ Թրամփի՝ «ավարտել սկսածը» սպառնալիքի։

Ավելի վաղ ԱՄՆ նախագահ Դոնալդ Թրամփը լիակատար աջակցություն էր հայտնել Իսրայելի վարչապետ Բենիամին Նեթանյահուին կառավարության ղեկավարի առաջիկա ընտրություններում։

Իսրայելցիներին հասցեագրված հրապարակված ուղերձում նա Նեթանյահուին անվանել է «ուժեղ և խիզախ առաջնորդ, ինչպես նաև Իրանի դեմ պայքարի գործընկեր»՝ սպառնալով «ավարտել ջախջախումը», եթե Թեհրանը չփոխի իր քաղաքականությունը։

«Իրանը համակարգված կերպով ջախջախված է թե՛ ռազմական, թե՛ ֆինանսական առումով։ Եթե այն արագ չփոխի իր ընթացքը, մենք շուտով կավարտենք սկսածը», — հայտարարել է Թրամփը։