Վիզաների ազատականացումը համալիր գործընթաց է, որը պահանջում է համակարգված մոտեցում (տեսանյութ)
ՆԳ նախարարի տեղակալ Արմեն Ղազարյանը նոյեմբերի 4-ին մասնակցել է «Աջակցություն Հայաստանում վիզաների ազատականացման երկխոսությանը սահմանների կառավարման, փաստաթղթերի անվտանգության և իրավապահ մարմինների բարեփոխումների ոլորտներում» ծրագրի ղեկավար կոմիտեի առաջին նիստին։
Նիստին մասնակցել են ՆԳՆ միգրացիայի և քաղաքացիության ծառայության պետ Նելլի Դավթյանը, ՀՀ-ում Լիտվայի արտակարգ և լիազոր դեսպան Անդրիուս Պուլոկասը, ինչպես նաև Ազգային անվտանգության ծառայության, Հայաստանում Եվրոպական միության պատվիրակության և ծրագրի գործընկեր կառույցների ներկայացուցիչներ։
Արմեն Ղազարյանն իր ելույթում կարևորել է Եվրոպական միության հետ համագործակցությունը՝ ընդգծելով ծրագրի նշանակությունը վիզաների ազատականացման գործողությունների ծրագրի իրականացման և ոլորտային բարեփոխումների առաջմղման գործում։
Նախարարի տեղակալն անդրադարձել է Հայաստանում նոր սերնդի կենսաչափական համակարգի ներդրման ուղղությամբ արձանագրված առաջընթացին՝ այն դիտարկելով որպես վիզաների ազատականացման գործընթացի կարևոր ձեռքբերում։ Նա բարձր է գնահատել միջազգային գործընկերների տրամադրած իրավական և տեխնիկական աջակցությունը, ինչպես նաև այդ ուղղությամբ ՆԳ նախարարության իրականացրած աշխատանքները։
Անդրադառնալով սահմանների կառավարմանը՝ Արմեն Ղազարյանն ընդգծել է սահմանների համալիր կառավարման ռազմավարության մշակման կարևորությունը՝ բարձր գնահատելով այդ գործընթացում Ազգային անվտանգության ծառայության, մասնավորապես՝ սահմանապահ զորքերի դերակատարումը։
Նախարարի տեղակալը կարևորել է նաև իրավապահ համակարգի կարողությունների զարգացումը՝ անդրադառնալով ծրագրի շրջանակում ՆԳՆ ոստիկանության, մասնավորապես՝ քրեական ոստիկանության հետ համագործակցությանը և մասնագիտական ու տեխնիկական կարողությունների ամրապնդման ուղղությամբ իրականացվող աշխատանքներին։
Արմեն Ղազարյանը համոզմունք է հայտնել, որ համատեղ ջանքերի շնորհիվ առաջիկայում ևս շոշափելի արդյունքներ կարձանագրվեն վիզաների ազատականացման գործողությունների ծրագրի իրականացման ուղղությամբ։
Հայաստանում Եվրոպական միության պատվիրակության համագործակցության բաժնի ղեկավար Յոհանն Հեսսեն ևս բարձր է գնահատել Հայաստանի արձանագրած առաջընթացը՝ առանձնացնելով կենսաչափական անձնագրերի ներդրման ուղղությամբ իրականացվող աշխատանքները։
Նա ընդգծել է, որ վիզաների ազատականացումը համալիր գործընթաց է, որը պահանջում է համակարգված մոտեցում, հստակ պլանավորում և շարունակական բարեփոխումներ։ Յոհանն Հեսսեն կարևորել է նաև Եվրոպական միության անդամ պետությունների ներգրավվածությունն ու փորձագիտական աջակցությունը՝ ծրագրի արդյունավետ իրականացման և հետագա բարեփոխումների համար անհրաժեշտ հիմքերի ձևավորման տեսանկյունից։
Նիստի շրջանակում ներկայացվել են ծրագրի մեկնարկային փուլի արդյունքները, աշխատանքային պլանն ու առաջիկա ամիսների առաջնահերթությունները։ Քննարկվել են վիզաների ազատականացման գործողությունների ծրագրի իրականացման ընթացքը և հետագա անելիքները։
Նիստի ավարտին մասնակիցները վերահաստատել են համագործակցությունը շարունակելու և նախատեսված բարեփոխումների արդյունավետ իրականացումն ապահովելու պատրաստակամությունը։
Ծրագիրն իրականացվում է Եվրոպական միության ֆինանսավորմամբ։
Աշխարհի ամենահայտնի Խորհրդարանական ծեծկռտուքները (ֆոտոշարք)
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Նեթանյահուն Թրամփին հորդորում է հարվածել Իրանին ԱՄՆ միջանկյալ ընտրություններից անմիջապես հետո
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Ռուսական դիզելային վառելիք տեղափոխող երեք լցանավի կարգելվի մուտք գործել Նյու Ջերսիի նավահանգիստ