Օգնականը գործատուից գրեթե 18 միլիոն դոլար է յուրացրել

Կալիֆոռնիայում 47-ամյա Լիզբեթ Գվադալուպե Շերմանը խոստովանել է, որ 10 տարվա ընթացքում իր գործատուից գրեթե 18 միլիոն դոլար է յուրացրել։ Շերմանը աշխատել է որպես թոշակի անցած վենչուրային կապիտալիստի օգնական և հասանելիություն է ունեցել նրա բանկային հաշվին։ 2015-2025 թվականներին նա այդ գումարները ծախսել է Louis Vuitton-ի պայուսակների, Rolex ժամացույցների, Christian Louboutin-ի կոշիկների, շքեղ հանգստի, մասնավոր ինքնաթիռների, ավտոմեքենաների և սեփական՝ 2 միլիոն դոլար արժողությամբ տան բարեկարգման վրա։

Իրավապահները նրա տանը հայտնաբերել են ավելի քան 1500 շքեղ իր։ Շերմանը դրանց մի մասը նաև վերավաճառել է առցանց՝ 2025 թվականին 9 ամսում վաստակելով ավելի քան 450 հազար դոլար։ Դատարանը նրանից կպահանջի վերադարձնել գրեթե 18 միլիոն դոլարը։ Նրա դատավճիռը նախատեսված է 2027 թվականի մարտի 22-ին։