Ժնեւում ավարտվել են Ուկրաինայում խաղաղության հասնելու շուրջ բանակցությունները։ Ուկրաինայի հարցով բանակցություններում ամերիկյան պատվիրակությունը կազմված էր ԱՄՆ նախագահի հատուկ բանագնաց Սթիվ Ուիթքոֆից եւ Ջարեդ Քուշներից։ Սրան զուգահեռ` նրանք իրանական պատվիրակության հետ քննարկում էին իրանական միջուկային ծրագիրը։ Բանակցություններին Կիեւը ներկայացնում էին Ուկրաինայի Ազգային անվտանգության եւ պաշտպանության խորհրդի քարտուղար Ռուստեմ Ումերովը, Ուկրաինայի էկոնոմիկայի նախարար Ալեքսեյ Սոբոլեւը եւ Գերագույն ռադայի «Սլուգա նարոդա» նախագահական խմբակցության ղեկավար Դավիդ Արախամիան։
Ռուսական լրատվական գործակալությունների տվյալներով՝ Ժնեւում տեղի է ունեցել նաեւ Ուիթքոֆի եւ Քուշների հանդիպումը Ռուսաստանի նախագահի հատուկ ներկայացուցիչ Կիրիլ Դմիտրիեւի հետ։ Ումերովը նշել է, որ բանակցություններն անցկացվել են երկու ձեւաչափով․ առանձին հանդիպել են Ուկրաինայի եւ ԱՄՆ պատվիրակությունները, ինչպես նաեւ տեղի են ունեցել եռակողմ խորհրդակցություններ Շվեյցարիայի ներկայացուցիչների մասնակցությամբ։
Նրա խոսքով՝ Ժնեւի խորհրդակցությունների ընթացքում կողմերն աշխատել են նաեւ Ուկրաինայի վերականգնման վերաբերյալ փաստաթղթի վրա եւ պայմանավորվել շարունակել այդ աշխատանքը։
Հանդիպումներից հետո ուկրաինական պատվիրակությունը, ինչպես նաեւ Ուիթքոֆն ու Քուշները հեռախոսազրույց են ունեցել Ուկրաինայի նախագահ Վոլոդիմիր Զելենսկիի հետ։
Ուկրաինայի նախագահի գրասենյակի ղեկավար Կիրիլ Բուդանովը հայտարարել է, որ իրեն հայտնի չէ որեւէ վերջնաժամկետ, որի ընթացքում Թրամփի վարչակազմը կցանկանար ավարտել պատերազմը։
«Ես չեմ լսել, որ մեր ամերիկացի գործընկերները պատերազմի ավարտի համար որեւէ կոնկրետ ժամկետ սահմանած լինեն։ Ներկայիս բանակցությունները շատ բարդ եւ բազմաշերտ գործընթաց են, եւ անհնար է դրա ավարտի համար հստակ վերջնաժամկետ սահմանել։ Իհարկե, մենք անում ենք հնարավորինս՝ դրանք ավարտին հասցնելու համար»,- լիբանանյան Al-Modon թերթին ասել է նա։
Ավելի վաղ մի շարք ԶԼՄ-ներ գրել էին, որ Թրամփը կցանկանար մինչեւ ամառ ավարտել պատերազմը։ Նրանք ենթադրվում էին, որ դա կապված է ԱՄՆ ներքաղաքական իրավիճակի` մասնավորապես նոյեմբերին նախատեսված Կոնգրեսի միջանկյալ ընտրությունների հետ։
Երեկոյան Ուկրաինայի նախագահ Զելենսկին հայտարարել է, որ ԱՄՆ-ի, Ուկրաինայի եւ Ռուսաստանի մասնակցությամբ հաջորդ եռակողմ բանակցությունները կարող է անցկացվեն մարտի սկզբին` Աբու Դաբիում։
ԱՄՆ-ն միջնորդ է, այլ ոչ թե կողմ. Ուիթքոֆֆ
ԱՄՆ-ն ձեռնպահ է մնացել Ուկրաինայի վերաբերյալ բանաձևի քվեարկությունից
Ռուսաստանը հարվածներ է հասցրել Կիևին, Օդեսային, Դնեպրին և Պավլոգրադին
Մայամիի բանակցությունները՝ արդյունավետ, բայց առանց առաջընթացի
ՀՀ-ն այսօր տարածաշրջանի այն երկիրն է, որը չունի էլեկտրաէներգիայի պակաս. Դավիթ Խուդաթյան
Ապարանից մինչև Սպիտակի ոլորաններ կատարվում են գծանշման աշխատանքներ․ հնարավոր են երթևեկության սահմանա...
Սահմանվել է Ռուսաստանի Դաշնությունից ՌԴ կանխիկ արժույթի արտահանման արգելք
Գերմանիայում խաղաղ երթերը վերածվել են անկարգությունների, վանդալիզմի և խանութների թալանի
Իսպանիայի Տեներիֆե–Անդորրա հանդիպումն ավարտվել է սարսափելի միջադեպով (տեսանյութ)
Եվրահանձնաժողովն իր աջակցությունն է հայտնել Լեհաստանի վարչապետին
Իրանը պատրաստ է 48 ժամվա ընթացքում բացել Հորմուզի նեղուցը՝ իր պայմանները կատարելու դեպքում
Երեք ծառայողի նկատմամբ կիրառվել է Ծառայության դադարեցում կարգապահական տույժը (տեսանյութ)
Անցում զենքի պարզ մատակարարումից դեպի ավելի խորը ռազմատեխնիկական փոխգործակցություն
Էլեկտրաէներգիայի ընդհատումներ կլինեն Երևանի և մարզերի բազմաթիվ հասցեներում
Կասեցվել է «Պանիր Լոռի» և «Կաթի սեր» արտադրատեսակների արտադրությունը