Թուրքիայի 3 վարչապետների որդիները ինքնասպան են եղել

Թուրքիայում օրեր առաջ նախկին վարչապետ Մեսութ Յըլմազի որդու ինքնասպանությունը հասարակությանը հիշեցրել է նախկին 2 վարչապետների որդիների ինքնասպանությունները։

2017–ի դեկտեմբերի 17–ին նախկին վարչապետ Մեսութ Յըլմազի որդուն հրազենից արձակված կրակոցից մահացած են հայտնաբերել տան մեջ։ 38–ամյա Մեհմեդ Յըլմազը ինքնասպան է եղել հորը պատկանող Smith Wesson տեսակի ատրճանակով։

1940 թվականին այն ժամանակվա վարչապետ Ջելալ Բայարի որդին Ռեֆի Բայարը եւս ինքնասպան էր եղել։

Թուրքիայում 1960 թվականի հեղաշրջումից հետո մահապատժի ենթարկված վարչապետ Ադնան Մենդերեսի որդին տարիներ անց եւս ինքնասպան է եղել։ Յուքսել Մենդերեսը ինքնասպանությունից առաջ երկտող էր թողել. «Արդեն ապրելու ուժ չունեմ։ Հայրիկից ավելի վատ եմ շարունակում»։