Ուկրաինացիները չպետք է կախված լինեն միայն գործընկերներից․ Զելենսկի

Ուկրաինացիները չպետք է կախված լինեն գործընկերներից, այս մասին հայտարարել է Ուկրաինայի նախագահ Վլադիմիր Զելենսկին։Նա նշել է, որ Գերագույն գլխավոր հրամանատարի շտաբի այսօրվա նիստում ուշադրության կենտրոնում հիմնականում օդային պաշտպանությունն է եղել։

«Պաշտպանական սարքերի ֆինանսավորումը, արտադրության ծավալները և մեր գործընկերների հետ կնքված համաձայնագրերը պարբերաբար վերահսկվում են Պաշտպանության նախարարության և ռազմական հրամանատարության կողմից։ Մենք պետք է հնարավորինս մեծացնենք արտադրությունը։

Կարճ և միջին հեռահարության հակաօդային պաշտպանության համակարգերը առանձին հարց են։ Սա կարևոր է ինչպես ռազմաճակատի, այնպես էլ էներգետիկ օբյեկտների պաշտպանության համար։ Մենք թարմացրել ենք մեր պահանջները և կավելացնենք արտադրությունը։ Մեր ներքին, ուկրաինական արտադրությունը։ Ներքին համակարգերը պաշտպանության երաշխիք են։ Ուկրաինացիները չպետք է կախված լինեն համաշխարհային շուկայում կամ մեր գործընկերների պահեստներում ինչ-որ բան գտնելուց», - ասել է Զելենսկին։